VOV4.K’ho- Dak Lak geh bơyai lơh tĕ khà wơl tàm 3 thôn nàng pồ kuang bàng Hội đồng Nhân dân kấp xã, do là jơnau tơnggit geh Ủy ban tĕ khà càr Dak Lak yal tàm pơrjum dơ̆ 5 bơh Ủy ban tĕ khà càr dê pa do. Jat hơ̆, cau tĕ khà bơh 3 thôn dê, ndrờm mờ 3 mpồl tĕ khà là thôn 9, thôn 10 mờ thôn 11 bơh xã Cư San, kơnhoàl M’Drak dê geh bơyai lơh tĕ khà wơl tàm ngai rlô, ngai 06/6/2021 nàng pồ kuang bàng Hội đồng Nhân dân kấp xã. Jơnau là tài bơh lài hơ̆, ngai 23/5, khà cau tĕ khà lòt tĕ khà tàm 3 mpồl do ờ hềt geh 50% kờp jơh khà cau tĕ khà tàm sră cih mat bơh ală mpồl tĕ khà dê.

Tàm dơ̆ pơrjum do, Ủy ban tĕ khà càr Dak Lak kung neh ring bal Nghị quyết yal cồng nha tĕ khà mờ mat 75 nă cau geh pồ lơh kuang bàng Hội đồng Nhân dân càr Dak Lak khóa 10, tơngai lơh broă bơh nam 2021 tus nam 2026 tàm 20 mpồl tĕ khà kuang bàng Hội đồng Nhân dân càr.

Cau mblàng K’Duẩn