VOV4.K’ho- Mpồl đơng lam rơcăng sơndră kòp Covid-19 càr Dăk Lăk dê pa geh broă rơndăp lơh bè broă dong kờl jun làng bol càr Dăk Lăk dê bơh ală tiah geh kòp geh jơnau kơ̆p kờñ rê wơl hờ ƀòn lơgar tờm tài gơrềng bơh kòp dờng Covid-19.

Cau geh ai lài rê tàm dơ̆ do, tàm hơ̆ geh: Mpồl cau lài ngan là ală cau kra, kơnòm dềt, cau ùr geh bun, cau ùr ròng kòn dềt hơđơm 36 nhai, cau lòt kham kòp, cau sơm kòp, cau lòt còp cau pròc mhàm, lòt lơh broă ờ hềt gơtùi rê wơl geh, cau lơh broă là hìu bơnhă rƀah, hìu bơnhă mờr ndrờm hìu bơnhă rƀah sơl, cau lơh broă là cau pròc mhàm bơh cau geh màng mờ kăc màng, cau lơh broă gam dờp geh bơta dong kờl sền gàr mpồl bơtiàn pah nhai bơh dà lơgar dê; Mpồl cau dơ̆ bàr là cau lơh broă khăt gơboh is, cau lơh broă, cau lơh broă gơtìp roh broă lơh; Mpồl cau dơ̆ pe là kơnòm bơsram, cau bơsram dờng mờ ală cau ndai. Digơlan, dơ̆ wă làng bol bơh sơnrờp geh lơh tơn tàm poh tus mờ pơgăp 500 nă cau. Sở Y tế càr Dăk Lăk pà gĭt, nàng broă jun rò làng bol rê hờ ƀòn lơgar tờm lơh jăt niam broă lơh rơcăng sơndră kòp, den broă lơh sac rwah geh lơh jăt kràñ cê jơh nùs ngan.

Cau mblàng Lơ Mu K’Yến