VOV4.K’ho - Tềng đăp mờ broă tơnguh bơtàu mhar bơh công nghệ, broă ngui phần mềm atbồ, tơm priă mờ điện thoại attê gam geh ngui uă tàm uă gah broă lơh. Tàm càr Dak Lak, tơnơ\ mờ mờr 2 nam lơh jăt, tus tu\ do neh geh rơlao 50 rơbô nă cau ngui ồs đèng ngui phần mềm “Sền gàr cau năc” tàm điện thoại attê.

            Càr Dak Lak geh khà cau ngui phần mềm ồs đèng uă ngan tiah tàm gùl lơgar mờ Tây Nguyên

Ngui phần mềm “Sền gàr cau năc” geh crăp ờ sa priă tàm điện thoại attê ai cau năc ngui ồs đèng in. Bơh tu\ hơ\, phan do geh yal is sồ công tơ, khà priă pal tơm, tơngai tơm mờ sră tơm priă điện tử ai cau năc ngui ồs đèng in.

Bơdìh hơ\ tai, phan do gam yal nền nòn broă gơsơ\t ing ồs đèng tàm tơngai lơh niam wơl mờ tơmù ală bơta gơbàn tàm broă ai ồs đèng ngui. Bơh phần mềm do, cau năc bal mờ công ty gơtùi tơmù tơngai, priă tàm broă lơh, atbồ mờ ngui ồs đèng.

Công ty Điện lực Dak Lak tu\ do gam drơng 522 rơbô nă cau năc, tàm hơ\ geh rơlao 50 rơbô nă cau neh ngui phần mềm “Sền gàr cau năc”, geh 11%, do là khà uă ngan tàm tiah tàm gùl lơgar mờ Tây Nguyên dê.

Cau mblàng Ndong Brawl