VOV4.K’ho-Mho ngai 9/5, mò H’Yim Kdoh, Phó chủ tịch Ủy ban nhân dân càr Dak Lak pà gĭt, tàm ù tiah càr dê pa geh tai dùl nă cau bơtờp mờ virus Sars CoV- 2, gam geh ai ơm yah ngài tàm tiah ai ơm yah ngài tơrgùm bal bơh càr dê, tơnguh cau bơtờp kòp tàm ù tiah càr dê là 2 nă. Cau do là Tr.M.T, deh nam 1998, ơm tàm hìu sồ 189/1/25 gùng Mai Hắc Đế, ƀòn dờng Buôn Ma Thuột, là F1 bơh cau kòp 3237 geh gơrềng tus tiah kòp bơh Đà Nẵng dê.

Rơndeh lòt rê bơh cau kòp do dê bơh Đà Nẵng rê tàm Buôn Ma Thuột

Tŭ do, Dak Lak gam ai ơm yah ngài tàm hìu sơnơm 16 nă cau, 19 nă cau gam geh ai ơm yah ngài tơrgùm bal mờ 904 nă cau ai ơm yah ngài tàm hìu. Gơrềng tus tiah kòp tàm hìu sồ 189/1/25, gùng Mai Hắc Đế, sơnah ƀòn Tân Thành, càr Dak Lak neh wàng se kơryan kòp tiah ơm kis tàm sơnah gùng kòn sồ 189/1/25, lơh broă jòi gĭt tiah lòt rê geh 12 nă cau F1 mờ gĭt nđờ rơhiang nă cau F2. Gah lơh sơnơm càr Dak Lak neh ai mẫu xét nghiệm ai pơgap 180 nă cau in. Càr Dak Lak neh lơh nền ai kơnòm bơsram kấp mầm non tàm ù tiah ƀòn dờng dê ơm rlô 1 poh.

Cau mblàng K’Hạnh