VOV4.K’ho- Công ty Ồs đèng Dak Lak pa bơyai lơh pờ đèng ai mờr 50 hìu làng bol kòn cau tàm tiah làng bol ơm kis Êa Kiêu gơ wèt [òn Êa Boa, xã tiah sar lơgar ngài Êa Trang, kơnhoàl M’Drak.

Tiah làng bol ơm kis Êa Kiêu ngài mờ tiah tờm xã kal ke uă ngan Êa Trang, kơnhoàl M’Drak 14 kơi sồ, là tiah ơm kis bơh 47 hìu làng bol kòn cau ntrờn ơm kis bơh ală càr tiah kơh bơnơm đah tô dà lơgar mu\t bơh nam 2004. Tài bơh ù tiah ngài ngan, làng bol [òn lơgar ơm kis rơha, den tàng 15 nam do ờ hềt geh ồs đèng.

Công nhân Công ty Ồs đèng Dak Lak hoài che đèng rê tus tiah làng bol ơm kis Êa Kiêu, [òn Êa Boa, xã Êa Trang, kơnhoàl M’Drak dê

Bồ nam 2017 pa do, Sở Công thương Dak Lak geh jàu lơh cau tờm bơcri priă mờ lơh broă lơh đèng ai tiah làng bol ơm kis do in bal mờ broă lơh, là: lơh pa gùng che trung áp jòng 3 kơi sồ 4, lơh pa 1 kơi sồ 5 gùng che hạ áp mờ 1 trạm biến áp pràn prăp 100 kilovon ampe.

Do là broă lơh gơ wèt Rơndăp broă lơh ồs đèng ai 31 thôn, [òn bơh càr Dak Lak dê tơngai bơh nam  2015-2020 geh lơh jat Broă lơh bơh Chính phủ dê lơh ồs đèng ai [òn lơgar, tiah kơh bơnơm mờ bồt bơlào tơngai bơh nam 2013-2020.

Cau mblàng- Lơ Mu K’Yến