VOV4.K’ho- Jơnau yal bơh Mpồl đơng lam rơcang sơndră kòp Covid-19 càr Dak Lak dê, drim ngai 19/7, càr do geh tai 2 nă cau bơtờp mờ virus Sars CoV-2 tàm kơnhoàl Ea H’leo. 2 nă cau do là Q.C.T mờ L.T.H, ndrờm ơm kis tàm thôn 2B, xã Ea H’leo, kơnhoàl Ea H’leo. Jơh bal 2 nă cau do ndrờm là cau tờm tàm dùl hìu bơnhă mờ pa rê bơh ƀòn dờng Hồ Chí Minh.

Xét nghiệm mhar ală cau F1 tàm Ea H'leo in

Jat lùp sền dịch tễ, tơnơ̆ tŭ lơh xét nghiệm mhar Sars CoV-2 tàm hìu sơnơm Thủ Đức ƀòn dờng Hồ Chí Minh ai cồng nha ờ bơtờp kòp, jơh bal 2 nă cau do neh đì rơndeh măi bơh ƀòn dờng Hồ Chí Minh rê hờ Dak Lak. Tŭ rê tus kơnhoàl, jơh bal 2 nă cau do geh lơh xét nghiệm mhar kháng nguyên mờ ai cồng nha bơtờp mờ virus Sars CoV-2. Cồng nha xét nghiệm tàm Viện Vệ sinh dịch tễ Tây Nguyên kung đơs nền jơh bal T mờ H ndrờm bơtờp mờ virus Sars CoV-2.

Cau mblàng K’Duẩn