VOV4.K’ho –Neh 30 nam mu\t tàm càr Dak Lak ơm kis mơya gi\t nđờ rhiang hìu làng bol tàm xã Ea Toh, kơnhoàl Krông Năng kung gam ờ hềt geh ngui gùng che ồs đèng dà lơgar dê sơl. Làng bol kơ\p kờ` ngan gah lơh đèng gờ` bơcri priă lơh gùng che đèng rê tus tàm [òn lơgar nàng ngui tàm rài kis mờ broă lơh sa.

Thôn Tân Trung B mìng ơm ngài mờ tiah tờm xã EaToh ờ hềt tus 1 kơi sồ lơm mơya gi\t nđờ jơ\t nam do, jơh dùl rhiang hìu làng bol bơh thôn dê kung gam ờ hềt geh lơh gùng che ồs đèng sơl. Uă hìu làng bol pal tă is priă tờm, lơh gùng che đèng ngài bơh 1 tus 3 kơi sồ bơh thôn ndai nàng rê ngui.

Lồi du\t là ală gùng che đèng tàm Tân Trung B tu\ do là ală jrong đèng lơh ing lơm, che đèng hoài tàm tơrbo\ ờ niam ngan, uă gùng che đèng gơdùh gơhoài tơn tàm gùng.

Tài bơh broă lơh gùng che ồs đèng ờ geh lơh jat di bơta chài den tàng hoàc hươr uă ngan. Tàm jiơ ngui trồ mang, làng bol ndrờm bè ờ gơtùi ngui ală phan ngui mờ đèng. Ală hìu bơnhă kờ` [ồm dà tơrlung nàng ngui sa den pal kơ\p tus gùl bơnang. Ồng Nguyễn Công Hoàn, làng bol thôn Tân Trung B, pà gi\t.

Dùl, bàr jiơ drim làng bol rê bi\c hơ\ sồng gơtùi [ồm dà, ai jơh dùl ngai jơh tơl nă làng bol ngui đèng ờ gơtùi tài bơh đèng ờ pràn. Geh tu\ là ală làng bol ơm bơh bồ tô gùng che đèng tơn chơ\t đèng, khi [ồm dà den ală hìu ơm bơh ngkời piang ờ gơtùi tru\ mờ glah đèng, đèng tàm ngai hơ\ [ong đèng, phan ngui mờ đèng gơtìp ồs sa jơh.

Ồng Nguyễn Văn Trung kung là làng bol ơm tàm thôn Tân Trung B den pà gi\t.

Đèng ờ pràn ngan, 5 jiơ mho [ồm dà ờ gơtùi, tus 6 jiơ mho tru\ piang kung mrih sơl, sa kung kơnờm mờ đèng, bi\c kung pal geh đèng, mang rê bi\c den đèng pràn. Kơ\p kờ` bơh làng bol dê là geh đèng nàng ală oh kòn, kòn sau in bơsram sră.

Gùng che đèng thôn Tân Trung B dê gơdùh tàm gùng

Ồng Phạm Ngọc Kỳ- Bí thư chi bộ thôn Tân Trung B pà gi\t, mờ jơnau bơcri priă lơh is gùng che đèng lơh ing bè tu\ do, làng bol pal tơm priă đèng kas rlau tus 2 dơ\ pơndrờm mờ khà priă kờp bal bơh gah đèng dê. Broă đèng ờ pràn ir kung lơh gơlik uă hoàc hươr làng bol in.

Priă đèng den khà priă kas ngan geh tu\ là tus rlau 3 rbô đong dùl ki\. Đèng ờ pràn den gơ lơh aniai jơh ală phan ngui mờ đèng tàm hìu. Làng bol kơ\p kờ` ngan geh gùng che đèng pa.

Ồng Trần Thái Thạnh- Chủ tịch UBND xã Ea Toh pà gi\t, ờ mìng thôn Tân Trung B lơm, tàm xã Ea Toh do uă thôn ndai kung ngui ală gùng che đèng tă is priă tờm lơh ing lơm, hoàc hươr ngan.

Tàm ù tiah xã Ea Toh, tus tu\ do bulah 100% hìu neh ngui đèng. Mơya, broă lơh is gùng che đèng kung gam ờ hềt geh niam sơl. Bơta geh ngan tàm ù tiah xã dê gam geh rlau 5 thôn ờ hềt geh gùng che đèng geh bơcri priă lơh jat di jơnau sồr. Kơ\p kờ` anih lơh broă geh gơnoar, kuơmàng là gah lơh đèng sền gròi bơcri priă gờ` nàng lơh gùng che đèng lơh geh jơnau kờ` bơh làng bol dê.

Jat Mpồl lơh đèng kơnhoàl Krông Năng dê yal, tu\ do geh rlau 600 cụm làng bol tàm uă thôn, [òn tàm kơnhoàl do, gam tă is priă jền tờm nàng lơh gùng che đèng rê ngui tàm rài kis, tơrgùm tàm ală xã: Ea Toh, Dliê Yang, Ea Tân. Bơta ờ geh tơl đèng jo\ jòng neh lơh aniai ờ dùl êt tus rài kis mờ broă lơh sa bơh làng bol dê.

Cau mblàng Lơ Mu K’Yến