VOV4.K’ho- Jơnau yal bơh gah lơh sơnơm càr Dăk Lăk dê, tàm 24 jiơ do (kờp bơh 4 jiơ mho ngai 21/10 tus 4 jiơ mho ngai 22/10), càr Dăk Lăk neh gŏ 174 nă cau bơtờp virus Sars CoV-2 tàm ù tiah càr dê. Nền cê bè do, tàm thị Buôn Hồ gŏ 64 nă cau bơtờp mờ virus Sars CoV-2, kơnhoàl Cư Kuiñ 29 nă, kơnhoàl Krông Păch 25 nă, kơnhoàl Krông Ana 13 nă, kơnhoàl Cư Mgar 12 nă, ƀòn dờng Buôn Ma Thuột 11 nă.

Bơta pal kơlôi rơcăng ngan là tàm 174 nă cau bơtờp pa, geh 82 nă cau geh gŏ tàm mpồl bơtiàn. Ală tiah, bè: thị xã Buôn Hồ, ală kơnhoàl: Krông Buk, Cư Kuiñ, ƀòn dờng Buôn Ma Thuột...sùm gŏ ală tiah bơtờp kòp tàm ală tiah làng bol ơm kis. Tềng đăp bơta sền gŏ sùm uă cau bơtờp tàm mpồl bơtiàn, gah lơh sơnơm càr Dăk Lăk gam jơh nùs pơgồp bal mờ gơnoar ătbồ ală tiah lam lơh jòi cau ơm rềp, ai mẫu xét nghiệm ai gĭt nđờ rbô nă cau làng bol geh gơrềng tus ală cau kòp nàng gŏ F0, pleh lơh bơtờp kòp. Mơkung lam lơh ală broă lơh dong kờl nàng sền gàr rài kis ai làng bol in mơkung lam lơh ală broă lơh dong kờl nàng kờñ sền gàr rài kis làng bol in tàm ală tiah ơm yah ngài, tiah làng bol ơm kis gơtìp wàng se...

Cau mblàng Lơ Mu K’Yến