VOV4.K’ho - Jăt Mpồl đơng lam rơcang sơndră mờ kòp Covid-19 càr Dăk Lăk yal, tàm ngai òr (09/08), gùt càr neh gŏ tai 19 nă cau geh gŏ mờ virus Sars CoV-2. Tàm khà 19 nă cau gơtìp kòp pa geh gŏ, geh 11 nă cau gơtờp tàm mpồl bơtiàn mờ 8 nă cau geh gŏ tàm ală tiah tam cah is neh geh wàng se.

                                        Ai mẫu xét nghiệm kòp Covid-19 tàm xã Vụ Bổn

Khà 11 nă cau gơtờp tàm mpồl bơtiàn, geh 6 nă cau là F1 bơh tiah gơtìp kòp pa geh gŏ tàm xã Ea Riêng, kơnhoàl Mdrăk tàm ngai 08 nhai 8; 3 nă cau gơtìp kòp pa ờ hềt gĭt loh broă gơtờp tàm ƀòn 6, xã Vụ Bổn, kơnhoàl Krông Păc. Bơdìh mờ 3 nă cau gơtờp kòp do, jăt kuang đơng lam UBND xã Vụ Bổn yal, gam geh 17 nă cau xét nghiệm mhar ai geh cồng nha geh gŏ mờ kòp, gam kơ̆p geh jơnau dờp bơh Anih tờm gròi sền kòp tê jê să càr Dăk Lăk dê. Bè hơ̆, kờp tus 5 jơ mho ngai òr (09/08), càr Dăk Lăk neh gŏ 410 nă cau geh gŏ mờ virus Sars CoV-2. Tàm hơ̆ gam sơm kòp 393 nă, 16 nă cau neh sơm bời mờ 1 nă cau gơtìp chơ̆t.

Cau mblàng Ndong Brawl