VOV4.K’ho - Jăt khà kờp bơh Sở Lao động, Thương binh mờ Xã hội càr Dak Lak yal, bơh bồ nam tus ngai 20 nhai 5 pa do, tàm càr do neh geh 23 nă kơnòm dềt gơtìp chơ̆t tài bŭ dà.

Tŭ do, càr Dak Lak neh mŭt tàm kàl mìu, dà tàm ală tơnao dà, dà dờng, dà croh... gơguh tih. Bơdìh hơ̆ tai, tài bơta krơi is bơh broă lơh sa suơn sre tàm ală bă suơn kơphe, tiêu... bơh làng bol geh ală tiah geh tơnao dà tuh phan tam in ngòt rơngơ̆t ngan gơwèt mờ kơnòm dềt. Do kung là tŭ kơnòm dềt mŭt tàm kàl rơlô bơkang, den tàng tŭ tơn jơh nam bơsram 2020-2021, Sở neh đơng lam ală mpồl lơh broă gơrềng bal tơnguh broă lam sồr tus mờ cau mè bèp bal mờ kơnòm bơsram bè broă atbồ oh kòn bal mờ bơsram tàp bơta ngăc ngar tàm broă sơndră mờ rềs àr bŭ dà ai kơnòm bơsram in nàng tơmù ờ uă ngan ală broă gơtìp moăt să do.

Cau mblàng Ndong Brawl