VOV4.K’ho-Lơh jat jơnau Bác Hồ dê bơto “Tàm pơrlòng là kờ` gơboh dà lơgar, kờ` gơboh dà lơgar den pal tàm pơrlòng”, ală nam do, srơh tàm pơrlòng kờ` gơboh dà lơgar geh càr Dak Lak lam lơh lơh geh nùs nhơm tàm pơrlòng duh hồl, gơhòi gơ jà bơta tus bal jơh nùs bơh ală mpồl cau, cau dùl nă să is dê tàm làm gùt ală gah broă, tàm hơ\ pơnrơ là srơh tàm pơrlòng kờ` gơboh dà lơgar tàm bơ\t bơtàu [òn lơgar pa, bơtàu tơnguh lơh sa mờ srơh jơh gùt làng bol sền gàr lơngăp lơngai dà lơgar.

Lơh jat gơnoar broă cau tờm bơh làng bol dê tàm tu\ lơh jat broă lơh jơnau kờ` dà lơgar dê bè bơ\t bơtàu [òn lơgar pa, xã Hoà Đông, kơnhoàl Krông Pach, càr Dak Lak neh tam gơl jơh nùs, gơ gơs là anih pơnrơ tàm bơ\t bơtàu [òn lơgar pa bơh càr dê.

Tus tu\ do, jơh ală thôn, [òn bơh xã Hoà Đông dê geh ală gùng lòt lơh mờ bêtông rlau 90%, hìu bơsram ală kấp geh lơh wil tơl, niam bơne\ ngan, khà hìu r[ah gơmù tus gam hơđơm 3%, priă lơh geh kờp bal dùl nă cau geh rlau 42 tơlak dùl nam, gơguh tus 3 dơ\ pơndrờm mờ nam 2010 lài do.

Ồng Nguyễn Đình Vượng, Bí thư Đảng ủy xã Hòa Đông pà gi\t, xã tơl khà [òn lơgar pa tàm nam 2015 mờ pơn jat tai lơh ngan tơnguh ală broă bơtàu tơnguh kơ\ kơl jăp.

 Xã Hòa Đông bol a` neh geh 19 broă mơya bol a` sùm kơlôi sơnơng, pal kơlôi geh 2 broă dilah ờ gàr geh là roh sră jờng rơ xã [òn lơgar pa, hơ\ là broă bè lơngăp lơngai ờdo ờdă, broă gơ tam gơl den gơ wèt mờ a` sùm pah poh pal geh jơnau sồr mờ sră nggal mờ mpồl cau tờm là kuang àng, ling klàng mờ ală ban gah lơh broă, mpồl cau thôn [òn tơrgùm gàr niam bơta lơng

Lài do, tài bơh xã pa crơng gơs dùl êt nă kuang bàng ờ hềt bơsram dờng, tàm ală nam pa do, bol a` kung đơng lam, kung sồr mờ ai lòt bơsram nàng geh tơl bằng cấp, khà do gam ờ hềt kơ\ kơl jăp ngan mơya bơta do ờ go\ kơlôi rơcang ir bè broă sền gàr bơta lơngăp lơngai ờdo ờdă. Bol a` lơh ngan jơh nùs bơ\t bơtàu xã [òn lơgar pa xã Hòa Đông geh dờp là xã [òn lơgar pa tàm nam 2020 tàm tơngai dơ\ 2.

Srơh cau lơh broă sa tàm pơrlòng lơh sa kă bro jak kung geh càr Dak Lak lam lơh uă sơl, mờ geh cồng nha. Uă cau lơh broă sa sơrlèt gan kal ke gơ gơs là cau pas geh priă tơlak priă tờm tàm bă ù tờm he dê. Pơnrơ bè bi Phạm Tươi, ơm tàm sơnah [òn An Lạc, thị xã Buôn Hồ. Nam 2012, bi jòi sơnơng bè ală tờm chi sa plai mờ lòt còp uă broă lơh ờng chi sơntìl, kuơmàng là ală sơntìl chi sa plai gơdờp mờ ù tiah trồ tiah tàm tiah Tây Nguyên dê gơcèng wơl cồng nha lơh sa uă, bè: bơ, sầu riêng, pơnăt thái…

Tơnơ\ uă nam, lùp bơsram kơlôi sơnơng mờ tam tơrlòng, tus tu\ do, bi Phạm Tươi neh lơh geh anih kă bro sơntìl chi tam niam ngan. Pah nhai sươn ờng bi dê tăc bơh 120 tus 150 rbô tờm chi sơntìl ală bơta mờ làng bol tàm càr bal mờ ală càr rềp bal in. Priă cồng pah nam lơh geh bơh 1 tus 3 tơmàn priă.

“A` sùm lơh bal mờ mpồl cau lơh broă sa dong kờl bè sơntìl niam ai làng bol lơh broă sa in. Kuơmàng là tàm tam gơl rơndăp tăp sèng chi tam làng bol gam gơlơh kwi kwơ ngan tàm ală tu\ sac rwah chi sơntìl, tam, sơngka sền gàr tu\ hơ\ den a` pơlam làng bol in bè hơ\ den hơ\ sồng lơh gơtùi”.

Tàm srơh jơh gùt làng bol sền gàr bơta lơngăp lơngai Dà lơgar, ồng Lê Đăng Lương, Kuang atbồ Kuang àng xã Ea Kpam, kơnhoàl Cư\ Mgar, càr Dak Lak là dùl tàm ală cau dùl nă să is pơnrơ ngan geh Ủy ban Nhân dân càr Dak Lak jờng rơ di tơngkah 70 nam Ngai Chủ tịch Hồ Chí Minh geh jơnau đơs hòi jà tàm pơrlòng kờ` gơboh dà lơgar.

Mờ gơnoar broă tờm tàm srơh jơh gùt làng bol sền gàr bơta lơngăp lơngai dà lơgar, Kuang àng xã Ea Kpam neh lơh ală broă lơh lài, bè: “Xã ờ geh jơnau ờ niam ma túy”, “thôn ring lơngai- ờ geh cau lơh tìs glài ku\p jàm”, “săp ntas klèng sền gàr bơta lơngăp lơngai”, “thôn ring lơngai hìu bơnhă gơboh gơbài bal”...

Jơh ală broă lơh lơh broă geh cồng nha pơgồp bơnah gàr kơ\ bơta lơngăp lơngai chính trị, rơndăp tăp sèng ờdo ờdă jơh gùt mpồl bơtiàn tàm ù tiah do dê. Jat ồng Lê Đăng Lương, Kuang atbồ Kuang àng xã Ea Kpam yal, broă lơh mblàng yal, bơto yal kơrnoat boh lam ai làng bol in kờ` sơlơ tơnguh uă jơnau gi\t wa\, bơh hơ\ dong mpồl kuang àng tam dră mờ rơcang sơndră mờ cau lơh tìs.

“Nàng lơh niam srơh jơh gùt làng bol sền gàr dà lơgar, tam dră, rơcang sơndră mờ cau lơh tìs tàm xã, bol a` sền broă lơh mblàng yal là kuơmàng pal lòt tus tơn mờ làng bol, ơm rềp mờ làng bol mờ lơh niam broă lơh mblàng yal hòi jà làng bol nàng làng bol gi\t geh gơnoar broă kơnòl broă tàm broă pơgồp bal rơcang sơndră, yal yă cau lơh tìs bal mờ mpồl kuang àng xã, bal mờ ală anih lơh broă chính trị nàng gàr niam bơta lơngăp lơngai, rơndăp tăp sèng ờdo ờdă gùt mpồl bơtiàn”.

Mờ ală lơh ngan do, nam 2017 Bộ Kuang àng neh pà bùng bi tàm pơrlòng jak ngan ai kuang bàng mờ làng bol xã Ea Kpam in, 3 nam tơn geh Bộ Kuang àng pà bằng khen geh cồng nha jak ngan tàm srơh jơh gùt làng bol sền gàr bơta lơngăp lơngai dà lơgar. Mìng is ồng Lê Đăng Lương kung geh Bộ Kuang àng, Chủ tịch Ủy ban Nhân dân càr Dak Lak pà uă ngan bằng khen tàm broă lơh sền gàr bơta lơngăp lơngai dà lơgar.

Gơtùi sền go\, tơl nă cau, tơl mpồl cau tàm ală gah broă krơi is, tàm pơrlòng tàm ală tiah krơi is mơya jơh ală ndrờm kơlôi tus bơtàu tơnguh lơh sa, tơn jơh jơgloh tơrmù r[ah, sền gàr bơta lơngăp lơngai Dà lơgar…Do ngan là ală cau pơnrơ tàm pơrlòng kờ` gơboh dà lơgar pơgồp bơnah sơlơ lơh niam tai bơhiàn kờ` gơboh dà lơgar bơh làng bol ală jơi bơtiàn kòn cau càr Dak Lak dê tàm tu\ tơngai tam gơl pa,   mu\t gơrờm bal mờ dunia mờ bơtàu tơnguh!

Cau mblàng Lơ Mu K’Yến