VOV4.K’ho - Bơh tu\ geh Tổng Liên đoàn Lao động Việt Nam lam lơh tus tu\ do, broa\ lơh hìu công đòan neh geh ala\ anih lơh broa\, mpồl bal,  mpồl lơh sa ka\ bro mờ cau lơh broa\ tàm Dak Lak lơh  bal jơh nùs ngan. Bơh hơ\,  neh dong ai slơ ngai slơ ua\ ngan cau lơh broa\ ờ geh hìu ơm geh hìu pa niam, kơljap.

            Tàm hìu geh lơh  dờng niam rlau 70 thơt, ồng Phan Văn Tình, cau lơh broa\ sền gàr bơh kong ti ồs đèng Dak Lak chờ hờp tam pà bè bơta chờ bơh hìu nha\  ồng bơh tu\ geh hìu pa.

 Rlau 35 nam đềt mềr lơh broa\ gah ồs đèng  geh  at gơnoar tàm ala\ broa\ krơi is, dờng sơnam hơ\ sồng bau. Pơ ùr ờ geh broa\ lơh kơljap, ala\ kòn drờm gam lòt bơsram. Sa\ tờm ồng Tình den gơbàn kòp ua\ ngan bè kòp thái hóa ntìng gòr, as sồt ntìng kồ, den tàng pria\ nhai rlau 5 tơlak pria\  pah nhai kung mìng tơl nàng ngui tàm rài kis pah ngai mờ drơng ala\ oh kòn lòt bơsram. Ua\ nam sùm hìu nha\ ồng kis tàm hìu yau nhhat dà mìu mờ ờ hềt geh tơl pria\ nàng geh lơh niam wơl.

Pơgap mờ do 3 nam, bơh broa\ lơh ‘’Hìu công đoàn’’ ồng Tình neh geh  Tập  đòan ồs đèng Việt Nam dong kờl 60 tơlak pria\ bal mờ khà pria\ càn bơh cau jơi nòi, oh mi, tơnơ\ mờr 3 nhai mut lơh, hìu nha\ ồng neh  lơh gơs hìu di tàm tu\ sa tềp he:

A` neh lơh  broa\ tàm gah ồs đèng tus tu\ do neh 35 nam, a` go\ kong ti ồs đèng Dak Lak kung  bè jơh gah ồs đèng sền gròi ngan tus cau kuang, cau lơh broa\ gah  ồs đèng dê, dong kờl ala\ oh mi geh rài kis kal ke. Sa\ tờm a` kung ưn ngài ngan tus gơnoar atbồ, mpồl đơng lam bơh kong ti ồs đèng Dak Lak neh dong kờl, dong kờl hìu nha\ geh khà pria\ nàng  geh lơh niam wơl hìu ơm.

Drờm bè hơ\ sơl,  hìu nha\ ồng Tăng Trung Vinh, cau kuang drơng broa\ bơh ồs đèng kơnhòal Lak, di kong ti ồs đèng Dak Lak kung geh dong kờl 60 tơlak pria\, bơh broa\ lơh ‘’hìu ơm công đòan’’. Hìu bơta kơp kờ` bơh ồng dê neh geh lơh gơs,  ờ gam tai pal lòt ơpah hìu, ơm hìu jồm sùm tàm ua\ nam. Ồng Tăng Trung Vinh ai git:

Công đòan kong ti ồs đèng Dak Lak sùm sền gròi lam sồr mờ lùp còp tàm  ala\ tu\ bè ngai deh hala hìu nha\ geh cau gơbàn kòp. Đơs bal geh bơta sền gròi bơh công đòan  kong ti ồs đèng Dak Lak mờ ngan la tàm nam 2016 neh dong kờl hìu nha\ khà pria\ di 60 tơlak pria\ nàng lơh hìu dềt kờ` geh anih ơm niam, rài kis niam rlau.

Ồng Tình mờ ồng Vinh  mìng la 2 tàm  ua\ ngan cau lơh broa\, kong nhơn, cau lơh broa\ sa pria\ nhai bơh gah ồs đèng  ờ geh hìu ơm geh dờp dong kờl lơh hìu, geh hìu ơm niam kơljap nàng kơ\ kơljap rài kis.

Jat kong ti ồs đèng Dak Lak, nàng dong tơl bơta ai cau lơh broa\ in gam rbah, gam kal ke bè hìu ơm,  công đòan kong ti neh mut lơh broa\ lơh ‘’Hìu ơm công đòan’’ tus jơh ala\  cau công đòan bơh   di gơnoar broa\ he dê, bơyai lơh lòt sền mùl màl, ky\ sra\ tàm bơh bơta  dan cih mat bơh ala\ cau công đòan. Bơh nam 2012 tus tu\ do,  bơh ala\ khà pria\ krơi is, mpồl neh  dong kờl lơh 5 nơm hìu công đòan ai cau kuang,  cau lơh broa\ công ti dê.

Bơh nam 2006 tus tu\ do,  broa\ lơh hìu công đòan bơh Tổng Liên đòan Lao động Việt Nam lam lơh neh geh mut lơh dờng ơnàng tus jơh ala\ kơna\ công đòan,  geh ala\ mpồl,  mpồl lơh sa ka\ bro jơh nùs lơh jat. Tàm Dak Lak, jat trơ gùm kờp bơh Liên đòan lao động càr, bơh nam 2013 tus tu\ do,  broa\ lơh neh dong lơh niam wơl, lơh pa 650 nơm hìu mờ  kờp pria\ rlau 18 tơmàn 700 tơlak pria\. Broa\ lơh neh mùl màl gơs la cau bơyô lòt bal  tus mờ tơl hìu nha\ cau lơh broa\,  pơ gồp bal lơh geh bơta pin dờ`, mut lơh  niam ala\ bơta kơp kờ` ơm niam kis niam, lơh broa\ sa bơh cau lơh broa\ rbah, kal ke.

                                                Cau mblàng K’ Brọp