VOV4.K’ho- Rơndăp broă lơh Hìu măy đèng mat tơngai Srepok 1, càr Dak Lak dê geh ai lơh broă tơrlòng lài tàm bồ nhai 1 tus mờ ngan ngồn ai lơh broă tàm quý 2 nam 2019. Rơndăp broă lơh đèng măt tơngai Srepok 1 geh lơh tàm ù tiah thôn 9, xã Ea Wer, kơnhoàl Buôn Đôn, càr Dak Lak dê, kờp jơh priă tă lơh là 1.200 tơmàn, pràn lơh gơlik 50 MWp, bal mờ rlau 151 rbô pang pil, khà đèng pah nam kờp du\ geh 73 tơlak kWh.

Tus tu\ do, ală bơnah broă tờm bơh rơndăp broă lơh dê neh jơh lơh geh 70% bơnah broă, digơlan tus nhai 1 nam tơnơ\ geh ai lơh broă tơrlòng lài, mờ lơh broă ngan ngồn tàm qúy 2 nam 2019.

Pa do, anih lơh broă geh gơnoar càr Dak Lak dê neh tus sền tơngai pơrgon lơh gơs rơndăp broă lơh mờ sồr cau tờm bơcri priă lơh Hìu măy đèng mat tơngai Srepok 1 pal kah lơh geh bơta ờdo ờdă, bơta niam jat di jơnau sồr măy mok bơta chài neh ki\ ring bal.

Cau bơcri priă pal sền gròi tus broă lơh geh bơta geh cồng nha mpồl bơtiàn bơh rơndăp broă lơh dê, bè: Ồs đèng mat tơngai rềp mềl mờ tiah ơm kis, tơrmù uă bơta ờ niam tus mờ tiah ơm kis tàm gah broă lơh gơlik đèng, lơh tơrmù [à tam gơl trồ tiah, lơh geh broă lơh ai cau lơh broă tàm tiah do in, pơgồp bơnah bơtàu tơnguh lơh sa- mpồl bơtiàn kơ\ kơl jăp.

Cau mblàng Lơ Mu K’Yến