VOV4.K’ho - Mang òr (15/10), tàm [òn dờng Buôn Ma Thuột, Kes pria\ dong kờl kơnòm dềt càr Dak Lak neh bal mờ Kông ty TNHH Bảo hiểm nhân thọ Generali Việt Nam jào pà hợp đồng bảo hiểm nhân thọ mờ pria\ bơsram ai kơnòm dềt rbah  sơrlèt  gan kal ke bơsram jak ngan tàm  tiah do.

Broa\ lơh neh jào 30 bơnah pria\ bơsram, tơl bơnah pria\ bơsram la 1 tơlak pria\ ai 30 na\ kơnòm bơsram rbah sơrlèt kal ke, pà 100 hợp đồng bảo hiểm ‘’VITA- Nha kìng biàng’’ (tơl hợp đồng bảo hiểm  kờp du\ tus 100 tơlak pria\ rcang sơndra\ aniai bơh kòp ung thư tàm tơngai 1 nam) mờ 100 bơnah phan pà ai 100 na\ kơnòm bơsram bơsram jak, jak ngan bơh Hìu bơsram cấp một Lê Thị Hồng Gấm, [òn dờng Buôn Ma Thuột. Do la dùl tàm ala\ broa\ lơh bơh kes pria\ dong kờl kơnòm dềt càr Dak Lak, hòi jà,  lam sồr ala\ mpồl bal, cau dùl na\ sa\ dong ala\ oh la kơnòm bơsram, ngan la kơnòm bơsram rbah sơrlèt kal ke geh tai  bơta nàng bơsram sra\, pơnjờng  lam sồr ala\ oh geh lơh ngan bơsram nàng geh cồng nha jak rlau tai. Chờ  hờp tu\ geh  dờp  pria\ bơsram  dơ\ do, oh H’ Đaly Êban, ơdu\ 6, Hìu bơsram Phổ thông Dân tộc Nội trú cấp hai kơnhoàl Cư\ Kui` boh bơr:

Ngai do dờp geh  pria\ bơsram kòn  gơ lơh chờ ngan. Kòn geh ngui pria\ do nàng  blơi sra\ ma\y, sra\ cih. Kòn ho geh lơh ngan bơsram jak kờ` di pal mờ pria\ bơsram do.

Cau mblàng K’ Brọp