VOV4.K’ho- Thành đoàn Buôn Ma Thuột càr Dak Lak geh ai rơndeh lòt pà phan  ngui sa kờñ pal geh tus tơn tàm hìu nàng dong kờl ai cau rƀah tàm ală xã, sơnah ƀòn tàm ù tiah ƀòn dờng Buôn Ma Thuột, càr Dak Lak in, sơnđờm bơh ngai do 31/7.

Dak Lak: jàu phan 0 đong tus tơn tàm hìu dong kờl cau rƀah tàm ƀòn dờng Buôn Ma Thuột in

Jat mpồl bơyai lơh, broă lơh geh lam lơh tus jơh ngai 7/8 tus do, tàm pà gơs 5 dơ̆ tàm 10 xã, sơnah ƀòn tàm ƀòn dờng Buôn Ma Thuột, càr Dak Lak. Kờp dŭ geh jàu 1 rơbô bơnah phan pà ai làng bol geh rài kis kal ke in, bè : hìu bơnhă rƀah, cau dùl nă să is, cau kuĕt kơlte, cau kòp tê jê să hìu bơnhă rƀah, cau ờ geh broă lơh halà priă lơh geh ờ kơ̆ kơljap. Tơl phan pà tàm hơ̆ geh: 5 kĭ phe, dà si dầu, dà màn, sơdàng, bòk ngòk mờ ală bơta biăp bùm, plai đo.

Cau mblàng K’Hạnh