VOV4.K’ho- 15, 16 sơnam neh bau là jơnau gơlik geh uă ngan tàm uă tiah làng bol kòn cau tàm Tây Nguyên. Nàng kờ` tơrmù [à jơnau ờ niam do mờ kơryan broă tam  bau gờ`, tàm ală nam do, gơnoar atbồ mờ ală mpồl cau bal tàm càr Dak Lak neh mut lơh uă ngan, tàm hơ\ geh kơnhoàl Cư Mgar là 1 tàm ală tiah geh tam gơl uă ngan, khà ùr klau tàm bau gờ` geh sền gròi mờ hời rơ hời sang te\.

Gam bơsram cơl du\ 9, oh H’Đuế Êban ơm tàm [òn Drai Sí, xã Ea Tar, kơnhoàl Cư M’gar, càr Dak Lak nisơna ơm bơsram dan mè bèp bau. Krơi is ngan tềng đap jơnau kơlôi sơnơng gam kơnòm să bơh kòn dê, bi H’Wim Êban neh jòi broă bơto bơtê, mơkung jà chi hội cau ùr tàm [òn mblàng yal jơnau tàm sơnam 16 ờ geh adat boh lam ai  bau. Mờ broă lơh lơbơn niam, mờ kung krà` cê ngan, lồi du\t kòn ùr bi dê neh wă jơnau mờ iăt  mè bèp, ờ dan bau tai mờ lòt bơsram wơl.

  Kơnờm mpồl cau ùr mblàng yal, hòi jà den a` neh g^t wă ală jơnau lơh tìs tu\ kơnòm să neh tam bau gờ` den a` neh pơn jờng oh kòn a` dê. Tu\ do kòn neh lòt bơsram wơl. A` chờ hờp ngan.

Trung tâm Dân số kế hoạch hóa Gia đình kơnhoàl Cư Mgar mblàng yal broă khà làng bol ai làng bol in. 

Xã Ea Tar là dùl tàm ală tiah mpờl go\ ngan bơh kơnhoàl Cư M’gar bè jơnau tam bau gờ` tàm làng bol kòn cau. Tàm 4 nam do, nam lơi xã kung cih dờp geh rlau 10 nă cau, kuơ màng geh nam tus 20 nă. Mơya, do mìng là ală khà neh geh kờp sền, tài ờ geh sền gròi jơh.

Mò Thái Thị Anh Hòa, Chủ tịch Mpồl cau ùr xã Ea Tar, kơnhoàl Cư M’Gar pà g^t, tàm tơngai do, mờ bơta lơh bal uă ngan bơh gơnoar atbồ tàm xã mờ ală gah sơnah lơh broă, mpồl cau bal, geh kơrnoat lơh glài ală cau kơl dang nùs lơh tìs, den jơnau tam bau gờ` neh geh uă bơta tam gơl niam ngan. Mìng is nam 2018, gùt xã mìng cih dờp  mìng geh 3 nă cau tam bau gơ`, gơmù 12 nă pơn drờm mờ nam 2017.

 Ală nam lài bơhìan yau mờng kuèng kòn cau Rơđe mờ kòn cau Dao dê khà cau tam bau gờ` uă ngan tài bơh  bơsram sră ờ uă, bơsram dùl êt den ờ bơsram tai, oh kòn ơm bơsram là tàm kờ` gơboh bal den là kơlôi tus broă bau kòn, ờ mìng kơlôi tus rài tơnơ\ den uă ngan cau tàm bau gờ`.

Bơh nam 2017 Đảng uỷ xã neh ai tơngume bè jơnau tam bau gờ`, ală gah sơnah lơh broă pal mut lơh broă bal tài ală nam hơ\ tam bau gờ` uă ngan, den pơn drờm mờ ală nam lài den khà tam bau gờ` nam 2018 neh  gơmù uă ngan.

Mpồl cau ùr xã Ea Tar gam bơh bơr mờ bi H'Wim bè jơnau tam bau gờ`  

Drờm mờ tàm xã Quảng Hiệp, nam lài geh 10 yô tam bau gờ`, mơya nam do  mìng g^t go\ 2 yô lơm. Ồng Nguyễn Văn Sang – Phó chủ tịch UBND xã Quảng Hiệp pà g^t, nàng làng bol kòn cau in tam gơl bơta kơlôi sơnơng, den gơnoar atbồ tàm ală tiah pal mut lơh broă bal krà` cê bơh broă mblàng yal tus broă lơh glài krà`.

 Pah nam sùm geh bơh 10 tus 13 nă cau tam bau gờ`. Bol a` kung g^t wă loh làng do là broă pal lam lơh jrô ơnàng tus mờ làng bol. Bol a` mblàng yal, hòi jà làng bol mờ ală broă tàm bơrlu\ bal bè: jàu ală cau lơh broă kờp khà làng bol lòt mblàng yal tơn mờ ală hìu bơnhă geh nùs nhơm buơn gơlik geh jơnau tam bau gờ`.

Bơdìh mờ hơ\, bol a` lơh broă mờ Ban Giám hiệu hìu bơsram kấp hai đơs tàm bơrlu\ bal tàm ală dơ\ tàm bơh bơr jat tơngume tàm tu\ bơto môn giáo dục công dân. Dilah cau tàm hìu bơnhă bơyai lơh tam bau gờ` ai cau ờ tơl sơnam in jat jơnau bơh adat boh lam dê den geh lơh glài mờ priă, mờ khà lơh glài bơh 500 rbô tus 1 tơlak priă.

Jat jơnau kờp sền bơh Trung tâm Dân số - Kế hoạch hóa gia đình kơnhoàl Cư M’gar, nam 2018, tàm  kơnhòal geh 50 yô tam bau gờ`, gơmù 62 yô pơn drờm mờ nam 2017.

Jat Bác sỹ Nguyễn Duy Lợi – Giám đốc Trung tâm Dân số - Kế hoạch hóa gia đình kơnhoàl Cư M’gar, jơnau pal cih dờp, uă tiah lài do là “tiah geh uă” bè jơnau tam bau gờ` mơya tu\ do neh gơmù uă ngan.

Broă tam bau gờ` nam 2018 pơn drờm mờ nam 2017 geh broă lơh gơmù. Ngan ngồn nam 2017 geh 112 nă cau den nam 2018 mìng gam 50 nă. Nam 2017 gơlik geh jơh gùt ù tiah kơnhoàl, xã lơi kung geh. Nam 2018 neh geh 5 xã ờ geh jơnau tam bau gờ`. Lơh geh gơtùi cồng nha bè hơ\ pal đơs ngan là gơnoar atbồ tàm xã, thị trấn neh lơh ngan đơng lam krà` cê lơh glài ală bơta lơh tìs tàm ală cau tam bau gờ`.

Bi H'Wim iang nùs lơh sa tài kòn ùr neh iăt jơnau ờ bau gờ` tàm sơnam 16

Jơnau tam bau gờ` tàm kơnhòal Cư M’gar neh mờ gam hời rơ hời geh kơryan mờ tơn jơh. Mơya, nàng lơh tus broă tơn jơh jơnau do kấp uỷ lơh broă geh gơnoar ală kấp kờ` pal lơh bal krà` cê rlau tai, lơh jat niam rlau tai gơnoar broă bơh mpồl cau bal, mpồl cau pin dờn tàm mpồl bơtìan, lơh pràn broă lơh mblàng yal, tơnguh uă bơta g^t wă bơh làng bol dê bè broă lơh khà làng bol, broă rơndap lơh hìu bơnhă, kung bè jơnau gơ lời wơl bơh broă tam bau gờ`, lơh ngan lơh glài krà` ală cau kơl dang nùs lơh tìs.

Cau mblàng K’ Hạnh