VOV4.K’ho- Mho ngai 21-5, tàm [òn dờng Buôn Ma Thuột, Uỷ ban nhân dân càr Dak Lak pơgồp bal mờ Uỷ ban nhân dân càr Khánh Hoà cribơyai dơ\ 2 bè kơlôi sơnơng, dan bơtơl gùng rơndeh ntoat rat Buôn Ma Thuột – Nha Trang tàm rơndap tap sèng bơtàu tơnguh broă lơh gùng rơndeh ntoat rat Việt Nam dê. Gơl gùng rơndeh ntoat rat Buôn Ma Thuột - Nha Trang geh sền là gơl gùng rơndeh ntoat rat tàm tơr bo\ brê bơnơm mờ dà lềng là bơta gơn kơnờm bơtàu tơnguh tiah drà gùng pleh tiah đah mat tơngai lik mờ tiah đah mat tơngai mut, tiah đah Jum Tây Nguyên, cèng wơl cồng nha lơh sa mpồl bơtìan uă ngan gơ wèt mờ Dak Lak mờ Khánh Hoà mờ jơh bal tàm tiah Tây Nguyên, tiah jat kềng gah dà lềng tàm gùl lơgar.

Dơ\ cribơyai

Tàm dơ\ pơrjum, ala mat Công ty cổ phần tư vấn Trường Sơn (Bộ Quốc phòng) neh yal jơnau yal dan bơtơl gùng rơndeh ntoat rat Buôn Ma Thuột – Nha Trang. Jat hơ\ gơl gùng do digơlan geh bơta jòng 105 kơi sồ. Gùng rơndeh ơnàng bơh 4 tus 6 bơnàng gùng rơndeh lòt. Kờp jơh priă bơcri kờp du\ lài là rlau 27 rơbô tơmàn đong.

Ală cau ala mat tă pơgồp jơnau đơs ai rơndap broă lơh gùng rơndeh ntoat rat Buôn Ma Thuột  - Nha Trang

Tàm dơ\ pơrjum, kuang đơng lam bồ 2 càr Dak Lak mờ Khánh Hoà neh ring bal bè gùng dà broă lơh lơh gơs ală rơndap broă lơh sră nggal gùng rơndeh ntoat rat Buôn Ma Thuột – Nha Trang yal mờ Bộ Giao thông – Vận tải in sền sơ wì nàng yal mờ Chính phủ in bơtơl tàm rơndap tap sèng gùng rơndeh ntoat rat Việt Nam tus nam 2020, bơta wèt sền tus nam 2030.

Cau mblàng K’ Hạnh