VOV4.K’ho - Bơh ngai 02 nhai 10 tus ngai 06 nhai 10, càr Dăk Lăk neh dờp mờr 17 rơbô nă làng bol bơh ƀòn dờng Hồ Chí Minh rê wơl tàm càr, tàm khà làng bol do geh uă cau neh cit ding dơ̆ 1 sơnơm vaccine rơcang sơndră mờ kòp Covid-19

   5 rơbô nă cau rê tàm càr Dăk Lăk mìng rơ̆p cit ding dơ̆ 1 sơnơm vaccine rơcang sơndră mờ kòp Covid-19

Tàm khà mờr 17 rơbô nă làng bol rê tus càr Dăk Lăk bơh ƀòn dờng Hồ Chí Minh mờ ală càr đah jum dà lơgar, geh 68 nă cau F0 neh sơm bời kòp, 1 rơbô 224 nă cau neh cit tơl 2 ding sơnơm vaccine mờ mờr 5 rơbô nă cau neh cit 1 ding sơnơm vaccine. Mờ khà cau mờr 5 rơbô nă neh cih 1 ding sơnơm vaccine rê, lơh broă tam pà sơnơm cit tàm càr dê gơtìp ờ tơl. Nàng gàr tơl jơh ală cau neh cit sơnơm vaccine rơcang sơndră mờ kòp Covid-19 ding dơ̆ 1 geh cit ding dơ̆ 2 di tơngai, càr Dăk lăk geh kờp khà cau neh cit jăt tơl bơta sơnơm vaccine, tàm tơngu me hơ̆ geh sră nggal dan mờ Chính phủ nàng bơtơl khà sơnơm vaccine di pal.

Cau mblàng Ndong Brawl