VOV4.K’ho - Kờ` pơgồp bal uă bơta niam bơto mờ bơsram tàm nam bơsram pa, càr Dak Lak neh lơh pa, lơh niam wơl uă hìu bơsram; ơdu\ bơsram; blơi uă bơta phan drơng tàm broă bơto, tàm hơ\ uă ngan là tàm ală hìu bơsram tiah sar lơgar ngài, tiah kal ke, tiah nhàr dà lơgar. Tus tu\ do, ală tiah tàm càr Dak Lak neh rơcang mu\t nam bơsram pa.

Hìu bơsram Mẫu giáo Hoạ Mi, tàm [òn Ja, xã Bông Drang, kơnhoàl Lak pa lơh gơs ală broă lơh du\t ndơl kờ` geh ai ală jơdu\ bơsram pa lơh broă di ngai mu\t bơsram. Pơgru Nguyễn Thị Thu Nga, kuang atbồ hìu bơsram pà g^t, hìu bơsram Mẫu giáo Hoạ Mi geh 1 hìu bơsram tòm mờ 3 hìu bơsram ing ndai.

                                       K' Bàng rơcang nam bơsram pa tàm kơnhoàl Lak

Bal mờ ală jơdu\ bơsram geh lơh kơl jăp bơh lài, nam bơsram do, hìu bơsram geh UBND kơnhoàl bơcri 2 tơmàn priă kờ` lơh pa tai 4 jơdu\ bơsram, tơnguh khà jơdu\ bơsram tàm hìu bơsram tòm tus 9 jơdu\, gơmù geh 1 hìu bơsram ing ndai. Bơta do neh ai geh bơta [uơn tu\ kơnòm bơsram ờ pal bơsram pơgồp bal:

-Đơs bè bơta chờ ờ geh bơta lơi mblàng kờ` di pal, nam do hìu bơsram geh bơcri priă lơh pa 4 jơdu\ bơsram, hìu bơsram pờ tai ơdu\ tàm hìu bơsram tòm. Tàm tu\ do, hìu bơsram neh rơwah geh kơnòm bơsram tàm 9 ơdu\ tàm hìu bơsram tòm. Di gơlan 100% khà bơsram ơm ngai tơn geh ai tơl bơta niam cau mè, cau bèp in tu\ pơyoa kòn kờ` iang nùs tàm broă lơh sa.

Tàm hìu bơsram cấp 1 Nguyễn Văn Trỗi, [òn Yag Lá 2, xã Dak Liêng, kơnhoàl Lak, mìu càl dờng sồ 12 lồi nam lài neh lơh pơngàr hìu bơsram gơpừ jơh, hìu lơh broă kuang atbồ hìu bơsram gơpồ rơkàng. Kờ rơcang nam bơsram pa, hìu bơsram neh bơcri rơlao 2 tơmàn priă kờ` lơh niam wơl ală broă neh gơbàn tơrlah mờ lơh pa hìu jă brê.

Bal mờ hơ\, hìu bơsram gam geh ai 100% jơnờng, kơ[àng pa tàm 2 hìu bơsram. Jăt pơgru Phan Thị Mỹ Nữ, kuang atbồ hìu bơsram yal, mờ broă bơcri priă di tu\ bơh Dà lơgar dê, phan bơna tàm hìu bơsram do neh di pal niam ai broă bơto mờ bơsram cau pơgru bal mờ kơnòm bơsram in. Phan bơna geh tơl, den tàng bơta sền gròi ngan tu\ do là lam sồr ală kơnòm tus lòt bơsram:

-Mờ khà kơnòm bơsram làng bol kòn cau uă, den bơh bồ nhai 8, bol a` neh bơyai lơh 1 dơ\ pơrjum mờ mpồl ala măt cau mè, cau bèp kơnòm bơsram tàm ală ơdu\ kờ` lài ngan, pơgồp bal tàm broă hòi jà kơnòm dềt tus lòt bơsram gal ngan. Dơ\ 2, ală kơnòm ờ tus lòt bơsram tàm ală ngai sơnrờp den bol a` geh ai cau pơgru atbồ ơdu\ kung bè ală mpồl lơh broă tus tơl hìu kờ` jòi g^t tà bè lơi mờ lam sồr kơnòm dềt hơ\ tus lòt bơsram.

Kơnhoàl Lak là 1 tàm ală kơnhoàl kal ke càr Dak Lak dê mờ 7 tàm 11 xã, thị trấn là xã tiah sar lơgar ngài, tiah kal ke. Kơnòm bơsram kòn cau geh mờr 70%. Ồng Nguyễn Ngọc Thịnh, kuang atbồ phòng giáo dục mờ đào tạo kơnhoàl Lak pà g^t, lơh jăt rơndăp broă lơh kơl jăp hìu bơsram, ơdu\ bơsram, nam bơsram do, kơnhoàl neh hòi jà tă geh rơlao 20 tơmàn priă bơh ală anih kờ` bơ\t bơtàu phan bơna hìu bơsram, blơi phan ngui hìu bơsram. Tơrgùm bơcri priă lơh 7 broă lơh tàm 7 xã tiah sar lơgar ngài. Mờ broă bơcri priă do, tu\ do, khà jơdu\ bơsram kơl jăp gùt kơnhoàl geh rơlao 47%, tàm kơnhoàl do ờ geh tai jơdu\ bơsram geh tìm mờ ja, cang mờ đơr tai:

-Lơh jăt broă lơh kơl jăp hìu bơsram, nam bơsram 2018-2019, gah bơto bơtê mờ bơsram kơnhoàl Lak geh bơcri rơlao 20 tơmàn priă kờ` lơh 7 broă lơh gơwèt 7 xã kal ke. Ală broă lơh do geh ai lơh cấp 1 mờ mầm nòn in, tu\ do geh ờ uă broă lơh neh lơh gơs kờ` di tu\ ai ngui mu\t bơsram nam bơsram pa do. Ală mpồl geh bơcri priă lơh là ală mpồl ờ tơl bè phan bơna, den tàng tu\ do, phan bơna tàm ală tiah hơ\ neh geh tơl.

Bu\ lah gam uă kal ke, mơya mờ nùs nhơm rơcang lài, `hăp `har tàm broă lơh, gah bơto bơtê mờ bơsram kơnhoàl Lak bal mờ ală kơnhoàl, thị xã, [òn dờng ndai tàm càr Dak Lak gam rơcang nền nòn ală bơta kờ` geh tàm nam bơsram 2018-2019. Do geh là bơta pràn kờ` ală cau pơgru bal mờ kơnòm bơsram lơh ngan pơrlòng “Bơto jăk, bơsram jăk”, geh ală cồng nha uă tàm nam bơsram pa.

Cau mblàng Ndong Brawl