VOV4.K’ho- Bal mờ kơnòm bơsram gùt lơgar, jơh ală kơnòm bơsram ală kấp bơsram tàm Dak Lak neh lòt bơsram wơl tàm hìu bơsram tơnơ\ ngai ơm rlô jo\ jòng rcang sơn dră kòp Covid-19. Ală hìu bơsram gàr niam broă lơh kloh niam sơn dră kòp jat jơnau sồr bơh gah lơh sơnơm dê, mè bèp kơnòm bơsram iang nùs, kơnòm bơsram chờ hờp lòt bơsram wơl tàm hìu bơsram.

Tơnơ\ mờr 4 nhai ơm rlô sa tềp dà lơgar mờ ơm rlô tài bơh gơ rềng kòp Covid-19, bi Trịnh Đức Tần jun kòn ùr lòt bơsram wơl tàm hìu bơsram mầm non 10-3, [òn dờng Buôn Ma Thuột, càr Dak Lak. Ngai sơn rờp lòt bơsram wơl, kòn bi dê chờ hờp ngan mơya bi geh dul ết bơta ờ suk ơm mìng tus di tu\ tus tàm hìu bơsram, kòn khi dê geh ală ùr pơ gru đo să jan, rào tê mờ dà lơh kloh khuẩn, lơh sră cih mat kham pràn kơl dang să jan tơl nă sau in hơ\ sồng bi iang nùs. Bi Trịnh Đức Tần pà g^t:

Bơta gơlik geh kòp dê gam geh sền gròi mơya he kung pal rcang sơn dră nàng lơh mbè lơi gơ in sền gàr niam ai ală sau in. Nggui tàm hìu kung đơs mờ ală sau pal sùm rào goh jơng tê mờ dà lơh kloh khuẩn mờ hìu bơsram rcang lài. Dơ\ 3 là iăt mờ bơyai bal mờ sau nàng pleh mờ kòp Covid-19 dơ\ do mờ tus tàm tơngai tu\ do a` sền go\ broă rcang tàm hìu bơsram là niam ngan mờ iang nùs ngan ai jơh a` in mờ ală sau mờ ală mè bèp kơnòm ndai dê tai.

Kơnòm bơsram mầm non 10-3, [on dờng Buôn Ma Thuột, Dak Lak 

Ai gơ wèt mờ kơnòm bơsram kấp 1, bulah tàm tơngai ơm rlô tàm hìu kơnòm bơsram geh bơsram pờ tơn tàm internet mơya bơta bơsram sră ờ go\ kơn jơ\ bè kơnòm bơsram tơn tàm ơdu\ den kơnòm bơsram ờ pleh mờ bơta ờ gơ dan bơsram mờ ờ ngac. Den tàng bè hơ\, bơdìh mờ broă sơn dră kòp jat jơnau tơngkah lài bơh Bộ Y tế dê bè sền gròi duh să jan, rào tê mờ dà lơh kloh khuẩn, glòm muh mat mờ chèo tàm jiơ bơsram, lơh broă ơm yah… ală hìu bơsram sền gròi uă ngan tus broă bơto bơtê wơl bơta g^t wă…

Mò Đặng Thị Hải Yến, Hiệu trưởng Hìu bơsram kấp 1 Phan Chu Trinh, [òn dờng Buôn Ma Thuột, càr Dak Lak pà g^t: tàm bồ poh hìu bơsram ờ go\ ngui broă ơm bán trú, tam cah 2 nơm ơdu\ nàng bơsram  drim mờ ngai mờ dơ\ bơsram bulah geh bơta kal ke tàm broă rơndap cau pơgru mơya jơh cau pơgru mờ kơnòm bơsram ndrờm jơh nùs lơh ngan lơm.

Poh sơn rờp hìu bơsram lơh lài bè broă bơtê wơl jơnau g^t wă môn Toán mờ Tiếng Việt là tờm ngan. Cau pơgru atbồ ơ du\ là cau pơgru bơtê tờm tàm 1 poh mờ ală cau pơgru lơh broă bơh drim tus mho. Nàng tơr mù [à bơta bòl glar hơ\ hìu bơsram neh tam bơr lu\ ală môn tin học, ngoại ngữ, đơs crih nàng tơr mù [à bơta kơn jơ\ ai kơnòm bơsram in tàm tơngai ală oh lòt bơsram wơl kung bè broă ơm yah mờ ală cau pơgru atbồ ơ du\ geh ơm rlô bàr pe tiết nàng ală cau pơgru in ai wơl tai bơta pràn kơl dang ai ală [ùi bơsram pơn jat tai in.

Kơnòm bơsram mầm non tư thục Hoa Cúc, [òn dờng Buôn Ma Thuột, Dak Lak

Jat mò Mai Thị Hồng Hà, Trưởng Phòng Giáo dục mờ Đào tạo [òn dờng Buôn Ma Thuột, càr Dak Lak lài mờ tu\ kơnòm bơsram lòt bơsram wơl phòng neh sồr ală hìu bơsram kờp sền jat 15 bơta tơl khà bơh Bộ Giáo dục dê bè hìu bơsram ờ do ờ dă mờ rcang jà Hiệu trưởng ală hìu bơsram nàng lam lơh ală gùng dà broă lơh gàr niam sơn dră kòp mờ gàr niam bơta niam tàm broă bơto bơtê. Tàm tu\ hơ\, sền gròi tàm ală kấp bơsram dềt bè mầm non, kấp 1. Ală cau pơ gru mờ mpồl lơh sơnơm hìu bơsram dê pal sền gròi rcang lài tàm broă bal mờ gah lơh broă lơh jat broă rcang sơn dră kòp ai kơnòm bơsram in. Ală hìu bơsram ai ờ uă rlau 30 nă kơnòm bơsram tàm dùl ơ du\, kấp 1, kấp 2 tam pà 2 ơ dơ\ bơsram nàng bơsram drim mờ ngai, ală hìu bơsram bán trú ơm ing 1 poh nàng geh rơndap broă lơh lam lơh di pal.

Jat 15 bơta tơl khà bè hìu bơsram ờ do ờ dă bơh Bộ Giáo dục mờ Đào tạo ai bol a` in neh sồr ală hìu bơsram kờp sền bơh broă kờp sền 100% neh di pal mờ ngai do neh rcang wă rò kơnòm bơsram lòt bơsram wơl tàm hìu bơsram. Bè broă lơh jat ơm yah ală hìu bơsram rcang tam pà kơnòm bơsram ờ uă ir 30 nă dùl ơ du\ nàng lơh jat broă ơm yah jat jơnau sồr bơh Bộ Y tế dê mờ ală hìu bơsram gah lơh jat bơsram ơm bán trú den ơm ing tàm pơgap 1 poh nàng sền broă lơh jat bơh sơn rờp ring bal halà ờ mờ geh broă rơndap broă lơh gơ in di pal tàm ală pon pơn jat tai.

Cau cih Hương Lý- Cau mblàng K’ Hạnh