VOV4.K’ho- Mho ngai 7/7, kơnòm pơrlòng tàm Dak Lak mut pơrlòng môn Toán- môn dơ̆ 2 bơh dơ̆ pơrlòng jơh bơsram kấp pe nam 2021 dê mờ tŭ jiơ lơh jơnau pơrlòng  jòng 90 phuk jat broă lơh trắc nghiệm. Tơn jơh dơ̆ pơrlòng jơh ală kơnòm pơrlòng đơs là jơnau pơrlòng di mờ bơta gĭt uă bơh ală oh dê. Ƀùi pơrlòng môn Toán dơ̆ pơrlòng jơh bơsram kấp pe nam do, khà kơnòm pơrlòng tàm Dak Lak tus bal pơrlòng rlau 99,5%. Mờ bơta rcang lài niam ngan, uă kơnòm pơrlòng mut pơrlòng mờ nùs nhơm pin dờn, ờ rơngòt mờ tơn jơh môn pơrlòng mờ nùs nhơm chờ hờp tài bơh jơnau pơrlòng môn Toán nam do ờ kal ke ir, geh rơndap tap sèng gơ mờr lơh bè jơnau pơrlòng lài bơh Bộ Giáo dục mờ Đào tạo ai tơlik lài hơ̆.

Cau pơrlòng lùp bal mờ gơ̆p jơnau pơrlòng tơnơ̆ tŭ tơn jơh pơrlòng môn Toán

Jat jơnau yal bơh Mpồl đơng lam dơ̆ pơrlòng jơh bơsram kấp pe nam 2021 càr Dak Lak, tàm jơh ală mpồl duh broă pơrlòng bơh càr dê, môn Toán ƀùi mho mờ môn Ngữ văn ƀùi drim, ndrờm bơyai lơh ờdo ờdă, rơndap tap sèng mờ di mờ kơrnoat.

Cau mblàng K’Hạnh