VOV4.K’ho-  UBND càr Dak Lak pa bơyai lơh Pơrjum tơn jơh lơh sa kàl prang nam 2017 mờ 2018, sền wơl lơh sa kàl nam 2018 mờ ai broă rơndap lơh lơh sa kàl prang nam 2018 mờ 2019.

Kờp jơh khà phan sa geh gar nam 2018 kờp du\ geh rlau 1 tơlak 200 rơbô tấn, gơguh rlau 26.000 tấn pơn drờm mờ nam 2017. Jat broă rơndap lơh lơh sa kàl prang 2018-2019, gùt càr digơlan geh sih tam là rlau 49.500 lồ chi lơyah tơngai.

Jat jơnau đơs bơh Sở Nông nghiệp mờ Phát triển nông thôn, lơh sa kàl prang nam do digơlan pơhìn ờ tơl dà nàng drơng broă lơh sa uă ngan, den tàng bè hơ\, ală tiah pal rcang lài ală gùng dà broă lơh rcang sơn dră mờ trồ prang soat dà, lơh jat niam broă tam gơl rơndap tap sèng chi tam tàm ù tam kòi.

Cau mblàng K’ Hạnh