VOV4.K’ho- Càr Dak Lak neh kờp sền, rơndăp tăp sèng mpồl cau pơgru gơ jat bal mờ lơh jat ală jơnau sồr bè khà ai khà cau pơgru ală kấp bơsram là dùl tàm ală kơnòl broă tờm ngan geh đơs sùm tàm Pơrjum Tơn jơh nam bơsram 2017- 2018 bơh Sở Giáo dục mờ Đào tạo càr Dak Lak dê bơyai lơh ngai òr 28/8.

Nam bơsram 2018- 2019, Dak Lak bơcri 216 tơmàn nàng lơh pa, lơh niam wơl ală hìu bơsram mờ blơi ală phan ngui bơto mờ bơsram ai ală hìu bơsram bơh kấp mầm non tus kấp hai in.

Bơnah priă jền do tơrgùm ai lài ai ală tiah tàm tiah sar lơgar ngài, tiah kal ke, tiah nhàr lơgar mờ tiah gơtìp hoàc hươr uă tài bơh mìu càl rbu\t dờng sồ 12 lơh aniai tàm lồi nam 2017. Càr kung lơh pràn kờp sền, rơndăp tăp sèng mpồl cau pơgru dipal mờ kấp bơsram mờ bơta ơnàng dờng dềt hìu bơsram, ơdu\ bơsram dê.

Cau mblàng Lơ Mu K’Yến