VOV4.K’ho- Lơh jat broă rơndap lơh bơh Ban ờ do ờ dă gùng lòt dà lơgar dê bè broă gàr niam jat kềng gah gùng tàm ală gơl gùng rơndeh dờng, bơh ngai 21/3 tus nggùl nhai 5 nam 2019, mpồl Lùp sền gùng lòt Cục lơh broă gùng rơndeh 3 lam lơh bơsong jat kềng gah gùng lòt, nàng gàr niam ờ do ờ dă gùng lòt tàm gơl gùng rơndeh dờng 26 lòt gan ù tiah càr Dak Lak.

Rlau 1 poh do, mpồl lơh broă làm gah neh hòi jà 6 nơm rơndeh dờng, tàm hơ\ geh: rơndeh dờng pơn diang phan mờng ngui, rơđòt ma\y, ală bơta phan ngui kờ` pal geh bal mờ loa pờ jơnau đơs lơh broă lơh bơsong jat kềng gah gùng ờ do ờ dă gùng lòt kềng gah gùng rơndeh dờng 26, gơl lòt gan càr Dak Lak. Ală broă lơh tìs gơtìp tă sờr, geh: hìu sơmang, hìu tìm mờ sơlo, kơ[àng yal tơng^t, koh kơl chi che lơh sền ờ loh gùng lòt digơlan gơlik geh rềs àr tàm thị trấn Phước An mờ tiah tàm gùl tiah tờm xã Ea Yông, kơnhoàl Krông Pách. Tài bơh neh geh mblàng yal lài, ală hìu bơnhă làng bol ndrờm g^t wă broă sơgràm jat kềng gùng ờ do ờ dă gùng lòt là tìs, tu\ mpồl lơh broă geh gơnoar tă sờr  den neh lơh jat niam.

Koh kơl chi che

Ồng Nguyễn Duy Thanh ơm tàm xã Ea Yông, kơnhoàl Krông Pách geh hìu lơh ing ơnàng 30 thơk vuông lơh tàm ù sơgràm jat kềng gah gùng ờ do ờ dă gùng lòt gơl gùng rơndeh dờng 26 neh tă sờr is broă lơh hìu đam tìs.

 He lơh tàm bă ù gơ wèt  jat kềng gah gùng rơndeh là he neh lơh tìs gơ bloh. Dà lơgar sồr tă sờr den he tă sờr hìu tìm mờ sơlơ, koh kơl chi che, ală bơta lơi gơ ơm tàm jat kềng gah gùng lòt den tă sờr jơh, tă jơh nàng dà lơgar in ai ù tiah nàng lơh gùng. Gùng niam, gùng  kềng gah gùng ơnàng den gàr niam ờ do ờ dă gùng lòt. Pah dơ\ lơh den hoàc huơr uă ngan priă jền, a` hơ pơr gon mờ dà lơgar là ờ go\ lơh tai.

Uă k[àng lơh ờ sền go\ gùng lòt neh geh tă jơh

Gùng rơndeh dờng 26 tàm tơrbo\ càr Khánh Hòa mờ Dak Lak, mờ bơta jòng 151 kơi sồ, sơn đờm bơh kơnhoàl Ninh Hòa lòt gan kơnhoàl M'Drak, Ea Kar, Krông Pách mờ [òn dờng Buôn Ma Thuột.

Mut lơh broă rơndap lơh bơh Ban ờ do ờ dă gùng lòt dà lơgar, sơn đờm bơh ngai 21/3/2019, mpồl lơh broă geh gơnoar pơgồp bal mờ gơnoar atbồ tiah do tus bơsong jat kềng gah gùng gơl gùng rơndeh dờng 26. Bal mờ broă tă sờr ală hìu đam lơh tìs, mpồl lơh broă ală gah neh lam mblàng yal, ki\ hơ pơr gon mờ g^t nđờ rơhiang hìu bơnhă làng bol ơm kis jat kềng gah gơl gùng mờ tơngume ờ go\ lơh tìs sơgràm jat kềng gah gùng lòt, tàm dơlam gùng lòt… nàng kờ` pơgồp bơnah gàr niam ờ do ờ dă gùng lòt tàm gơl gùng rơndeh dờng 26.

Geh mblàng yal làng bol tă sờr hìu đam lơh tìs jat kềng gah gùng lòt ờ do ờ dă gùng lòt tàm gùng rơndeh dờng 26

Ồng Nguyễn Văn Nghĩa, là cau lơh broă Lùp sền gùng lòt Cục gùng rơndeh  3, gơ wèt Tổng cục gùng rơndeh- Bộ Giao thông mờ Vận tải pà g^t, bal mờ broă mblàng yal, mpồl geh ngui ală broă lơh bơsong dùl bă krà` cê jơh nùs.

"Mpồl lơh broă làm gah tus bơsong jơh ală broă lơh sơ gràm jat kềng gah gùng lòt, ală phan yal tơng^t tìs mờ adat boh lam, lơh hìu tìs mờ adat boh lam, ală anih ràng tăc phan tìs mờ adat boh lam. Tu\ do, gam bàr pe nă cau ờ hềt tă sờr is mpồl lơh kràn bơklơn pal bơsong jat jơnau cih adat boh lam dê. Mpồl pơgồp bal mờ UBND ală xã mờ kơnhoàl pơn jat tai mblàng yal, mơkung sồr ki\ hơ dilah kơl dang nùs sơgràm jat kềng gah gùng lòt  den lơh glài kràn jat jơnau cih bơh adat boh lam dê.

Tài bơh bơta krà` cê jơh nùs bơh gah lơh broă làm gah, gùng ờ do ờ dă gùng lòt tàm gùng rơndeh dờng 26 geh niam ơ nàng

Cồng nha rlau 1 poh ai cau lòt lơh broă tàm kơnhoàl Krông Pách, mpồl kuang bàng lơh broă geh gơnoar neh tă sờr 18 broă lơh hìu đam tìs mờ adat boh lam, tàm hơ\ geh: hìu tìm mờ sơlơ, hìu kấp 4, koh sang 60 nơm hìu tìm mờ sơlo lơh tìs, ntrờ` 87 k[àng yal tơng^t ală bơta, mpồl kung neh ku\p uă ju, cơ ghe\, rơndeh chồl tăc phan tàm gùng…

Bal mờ hơ\, anih lơh broă geh gơnoar pơgồp bal mờ làng bol koh kơl g^t nđờ rơhiang chi che lơh ờ sền loh gùng lòt, lơh kơryan gùng lòt, digơlan gơlik geh rềs àr tus mờ kòn bơnus mờ rơndeh rơndồ.

Bơh tu\ do tus nggùl nhai 5/2019, mpồl Lùp sền gùng lòt Cục gùng rơndeh 3, Tổng cục gùng rơndeh - Bộ giao thông mờ vận tải geh pơgồp bal mờ UBND ală kơnhoàl Ea Kar, M’Drak pơn jat tai lơh broă lơh bơsong tàm kềng gah gùng lòt ờ do ờ dă gùng lòt tàm jơh gùt gơl gùng rơndeh dờng 26.

Cau mblàng K’ Hạnh