VOV4.K’ho-Lài do neh geh tu\ là hìu r[ah, mơya kơnờm jơh nùs lùp bơsram ală bơta jak chài pa mờ dờp geh bơta dong kờl priă lơh sa bơh Mpồl cau ùr dê, mò H’Nhuôl Niê, ơm tàm [òn Hra B, xã Ea Tul, kơnhoàl Cư\ Mgar, càr Dak Lak neh lơh ngan sơrlèt gan tàm rài kis mờ tu\ do neh geh rài kis kơ\ kơl jăp.

Bal mờ rlau 4 lồ ù tam kơphê, tiêu, điều mờ kau su gam tàm tơngai ai sa, tàm 3 nam do, pah nam hìu bơnhă mò H’Nhuôl Niê ơm tàm [òn Hra B, xã Ea Tul, kơnhòal Cư\ Mgar, càr Dak Lak lơh geh priă jền pơgăp 300 tơlak.

Mò H’Nhuôl Niê pà gi\t, hìu bơnhă mò lài do là hìu r[ah ngan, rài kis mìng kơ\p kơnờm jơh tàm 5 sào ù geh mè bèp pà, ờ geh priă bơcri tàm broă lơh sa den tàng tìp uă ngan kal ke. Bơh nam 2004, bơh Mpồl cau ùr xã dê, mò H’Nhuôl Niê geh càn 8 tơlak priă bơh Ngân hàng Chính sách Xã hội.

Geh priă, mò sơnđờm blơi sơntìl kơphê, tiêu nàng tam, jơh nùs ngan lùp bơsram bơta jak chài pa tàm broă lơh sa bơh ală hìu bơnhă làng bol ơm kis gùt dar nàng đòm jat tàm sươn chi. Mò gam lơh geh tai priă jền bơh broă tam tàm bơrlu\ bal ală tờm chi tam lơyah ngai, ròng sur, iar mờ tềm pềr priă jền nàng blơi tai ù lơh sa. Mò H’Nhuôl Niê yal.

Lài do, rài kis kal ke ngan, hơ\ sồng bơh tu\ geh bơta dong kờl hìu r[ah càn priă, den a` geh càn mờ a` ngui nàng blơi sơntìl kơphê, sơntìl tiêu, jrong tiêu nàng tam mờ tơryăng tơryồng ngan sơngka sền gàr. A` kung càn tai priă jền bơh ală bơnah priă ndai nàng bơcri tai, hơ\ sồng lùp bơsram tai bơta mờng chài bơh ală cau gùt dar, ală hìu bơnhă neh lơh sa geh cồng nha lài hơ\. Tus tu\ do, den rài kis hìu bơnhă a` neh ờ huan kal ke rlau mờ lài uă ngan.

Mò H’Nhuôl sơngka sền gàr tờm tiêu

Kơnờm tơryăng tơryồng lơh broă lơh sa, tus nam 2016, hìu bơnhă mò H’Nhuôl ngan ngồn klàs bơh r[ah kơ\ kơl jăp, mờ gơ gơs là dùl tàm ală krơh cau ùr lơh sa jak tàm [òn lơgar. Mò H’Wôn Niê, Kuang atbồ Mpồl cau ùr xã Ea Tul, kơnhoàl Cư\ Mgar đơs, bơh dùl hìu bơnhă r[ah mơya kơnờm bơh gi\t đòm jat bơta jak chài pa tàm broă lơh sa mờ ngui priă càn geh cồng nha den tàng hìu bơnhă mò H’Nhuôl Niê neh geh rài kis tơl ngui tơl sa.

Tàm ală tu\ bi H’Nhuôl ngui priă nàng bơcri tàm broă lơh sa mơkung gi\t wa\ ngan bè bơta jak chài pa tàm broă sơngka sền gàr phan tam den tàng cèng wơl cồng nha, dong bi klàs bơh r[ah. Do là krơh mờ Mpồl đơs là, dipal ngan nàng uă oh mi cau ùr ndai in đòm jat lùp bơsram bè broă lơh ngan pơđơl pràn sơrlèt gan bơta r[ah bơh priă càn bơh Mpồl dê atbồ. Mpồl kung sùm hòi jà oh mi cau ùr pal lùp bơsram, pal lòt bơsram ală ơdu\ bơto pơlam bơh Trạm dong kờl bơto pơlam lơh broă sa sươn sre mờ Mpồl cau lơh broă sa dê pờ nàng geh tai jơnau gi\t wa\.

Ờ mìng lơh sa jak lơm, mò H’Nhuôl Niê gam jơh nùs ngan tàm yal tơngi\t bal bơta mờng chài lơh sa ai ală oh mi cau ùr ndai in tàm [òn mờ tu\ lơi kung geh lơm nùs nhơm ai ală oh mi cau ùr in càn priă nàng lơh sa. Mò H’Nhuôl yal.

Sền bơh tàm rài kis ngan ngồn, a` sền go\ là a` tìp uă ngan kal ke tàm broă lùp bơsram bơta jak chài pa tàm broă lơh sa den tàng a` ờ ngòt broă lòt lùp bơsram bơh ală cau gùt dar, bơh hơ\ den a` geh tai jơnau gi\t wa\, geh tai bơta wa\ wờng mờ broă lơh nàng a` đòm jat. Den tàng dilah geh khat dùl nă oh mi cau ùr lơi geh jơnau kờ` gi\t halà lùp a` bè broă lơh, pơnyơu bè broă tam mờ sơngka sền gàr tiêu, den a` kung jơh nùs sơl tàm yal tơngi\t bal jơh ală bơta lơi mờ a` gi\t nàng ală oh mi cau ùr ndai in gi\t bal mờ đòm jat.

Jat mò Trần Thị Phong, Phó Kuang atbồ Mpồl tam klac cau ùr càr Dak Lak đơs, mpồl tu\do gam atbồ mờr 1.400 tơmàn priă càn bơh uă bơnah priă krơi is. Bơh bơnah kes priă do, neh dong ai rlau 52 rbô hìu bơnhă tàm mpồl mờ cau ùr in càn priă nàng bơtàu tơnguh lơh sa, tơrmù r[ah, sơnđờm mu\t lơh broă, sơnđờm mu\t lơh sa kă bro. Kơnờm bơh hơ\, mìng is tàm nam 2017, neh geh rlau 2.250 hìu r[ah bơh cau ùr lơh tờm neh klàs bơh r[ah.

Tàm ală tu\ ai priă càn, cau ùr r[ah tàm mpồl là cau kòn cau mờ cau ùr ơm kis tàm tiah nhàr lơgar geh ală kấp Mpồl sền gròi ngan. Pah nam, Mpồl tam klac cau ùr càr jàu broă ai [òn lơgar in nàng geh anih lơh loh làng, broă lơh dong kờl ngan ngồn ală cau ùr tàm mpồl do klàs bơh r[ah. Kơnờm bè hơ\ mờ neh geh ngai sơlơ uă krơh cau ùr lơh sa jak, lơh ngan sơrlèt gan klàs bơh r[ah, geh uă oh mi cau ùr lùp bơsram, pơgồp bơnah bơtàu tơnguh lơh sa mờ dong bơtàu tơnguh lơh sa hìu bơnhă tàm tiah he dê.

Cau mblàng Lơ Mu K’Yến