VOV4.K’ho - Priă Chính phủ dong kờl bơcri tàm broă bơsram ai kơnòm bơsram tiah kal ke gơbàn roh is, là mùl màl gơbàn tàm hìu bơsram cấp 1 Yang Hăn, xã Cư\ Drăm, kơnhoàl Krông Bông, càr Dak Lak. Geh bơta là kuang atbồ hìu bơsram tơl^k is gùng dà tam pà khà priă do ai ală kuang bàng, cau pơgru in. Geh cau pơgru ờ kờ` dờp priă, tơnơ\ mờ hơ\ neh gơbàn ntrờn tus tàm tiah kal ke rơlao.

Jăt Nghị định sồ 116 nam 2016 bơh Thủ tướng Chính phủ dê, kơnòm bơsram ơm ngai tơn bơsram tàm ală hìu bơsram phổ thông dân tộc; geh mè bèp ha là cau dong kờl geh sră hìu nhă ơm kis tàm ală xã, [òn kal ke gam bơsram tàm ală hìu bơsram cấp 1, cấp 2 xã tiah sar lơgar ngài, [òn kal ke gơwèt tiah kòn cau mờ kơh bơnơm, geh Chính phủ dong kờl priă, phe sa. Khà dong kờl ndrờm mờ nggùl nhai priă nhai tòm ai 9 nhai tàm nam bơsram.

                         Uă kơnòm bơsram tàm hìu bơsram cấp 1 Yang Hăn ờ dờp tơl priă dong kờl bơh Chính phủ 

Bi Leng Văn Xoa, kòn cau H’Mông kis tàm [òn Nao Hú, xã Cư\ Drăm, kơnhoàl Krông Bông pà g^t, geh bàr nă kòn gam bơsram ơdu\ 2 mờ ơdu\ 4 tàm hìu bơsram cấp 1 Yang Hăn, xã Cư\ Drăm.

Jăt Nghị định cih, bàr nă kòn bi dê geh dờp dong kờl 10 tơlăk 890 rơbô priă ai nam bơsram 2016-2017, mơya khà priă mùl màl dờp ờ ndrờm mờ nggùl khà priă do, mơya hìu nhă bi ờ g^t tài bè lơi.

-Nam bơsram 2017, dùl nă kòn a` mìng geh dờp 2 tơlăk 200 rơbô priă, bàr nă là 4 tơlăk 400 rơbô priă. Tàm tu\ dờp, a` geh ală cau pơgru sơnđio tiah k^ măt, ờ g^t khà priă là kàr lơi. Ală cau pơgru sồr k^ hơ\ sồng dờp priă, mờ priă geh dờp den ờ g^t kàr lơi, bè hơ\ mơ.

Jăt ồng Nguyễn Sỹ Minh, kế toán hìu bơsram cấp 1 Yang Hăn, xã Cư\ Drăm yal, nam bơsram 2016-2017, hìu bơsram cấp 1 Yang Hăn geh 93 nă kơnòm bơsram gơwèt mpồl geh dờp priă dong kờl bơh Chính phủ jăt Nghị định sồ 116, kờp jơh khà là rơlao 506 tơlăk priă.

                                 Hìu bơsram cấp 1 Yang Hăn, anih mờ mò Vũ Thị Sơn lơh kuang atbồ hìu bơsram

Ồng Minh pà g^t, tơnơ\ mờ tu\ dờp priă bơh kho bạc tus kờ` tam pà kơnòm bơsram in, den mò Vũ Thị Sơn, kuang atbồ hìu bơsram Yang Hăn sồr mìng tă 371 tơlăk priă, priă gam tai mò Sơn tam pà is ai ală kuang bàng cau pơgru tàm hìu bơsram. Să tòm ồng kung geh dờp 3 tơlăk priă mơya neh ờ bài dờp tài đơs là să tòm ồng ờ gơwèt cau geh dờp priă dong kờl do.

-Khà priă do ai a` in mơya a` ờ dờp tài priă do ờ di mờ kơrnoăt, priă do là priă dong kờl ai kơnòm bơsram rơ[ah, kal ke in sa ơm ngai tơn tàm hìu bơsram. Bè rơgơi he klah priă kơnòm bơsram, klah là tìs, bu\ lah geh ală tơngu me lơi.

Neh klah priă den đơs tai là làng bol pà, kờ` pà priă cau tam pà priă là ờ gơtùi. Ală khà priă do den hìu bơsram ndrờm neh geh khà priă tă bơh kes priă gơwèt mờ khà priă tă sùm gơdê.

Ồng Nguyễn Khánh Sơn, Phó kuang atbồ hìu bơsram cấp 1 Yang Hăn pà g^t, kung geh tam pà 3 tơlăk 500 rơbô priă mờ geh mò Sơn mblàng: opriă do geh cau mè bèp kơnòm bơsram tă wơl. Mơya jăt ồng Sơn, xã Cư\ Drăm là xã tiah ngài kal ke ngan kơnhoàl Krông Bông dê, khà hìu rơ[ah tus mờr 50%, broă dờp priă dong kờl kơnòm bơsram rơ[ah geh Chính phủ pà bơh mè bèp kơnòm bơsram là ờ di, ờ di mờ kơrnoăt Dà lơgar ai. Ồng neh uă dơ\ sồr tơm wơl khà priă do mơya mò Sơn ờ bài.

-Priă làng bol tă den mìng g^t bơh mò Sơn, kuang atbồ hìu bơsram yal, mơya mùl màl bè lơi den bol a` ờ g^t. Lài mờ tu\ tam pà priă ai ală oh mi tàm hìu bơsram in, tàm pơrjum hội đồng den pơgru Sơn geh jơnau yal hơ\ sồng tam pà: kuang atbồ 4 tơlăk priă, Phó kuang atbồ 3 tơlăk 500 rơbô priă, cau pơgru bơto là 2 tơlăk 500 rơbô priă, cau pơgru bè ờs den 2 tơlăk priă… Jăt mờ pang sră cih măt den bol a` dờp priă.

Hìu bơsram cấp 1 Yang Hăn geh 40 nă kuang bàng cau pơgru geh dờp priă bơh kơrnoăt mò Sơn ai, mơya geh 3 nă cau pơgru mờ dùl nă kế toán tàm hìu bơsram ờ dờp priă do. Bàr tàm 3 nă cau pơgru neh gơbàn mò Sơn k^ kơrnoăt ntrờn bơto tàm hìu bơsram ngài, broă lòt rê kal ke, kế toán hìu bơsram den ờ geh tơl^k măt tàm pơrlòng nam bơsram 2016-2017.

Ồng Lê Xuân Quý, kuang atbồ Phòng Giáo dục mờ Đào tạo kơnhoàl Krông Bông pà g^t, mò Vũ Thị Sơn, kuang atbồ hìu bơsram cấp 1 Yang Hăn neh geh dơ\ lơh gời sră kờ` tă priă lơh niam wơl hìu jă brê tàm hìu bơsram cấp 1 Cư\ Drăm, mơya mìng gơbàn lah gời.

Tơnơ\ mờ tu\ ntrờn tus hìu bơsram cấp 1 Yang Hăn, mò Vũ Thị Sơn tam pà is priă dong kờl kơnòm bơsram rơ[ah bơh Chính phủ ai ală cau pơgru in. Kung jăt ồng Quý yal, Phòng Giáo dục yal mờ UBND kơnhoàl Krông Bông bè bơta tìs do.

Cau mblàng Ndong Brawl