VOV4.K’ho- Mờr 7 nam do, mờ gơnoar broă là Kuang atbồ Kuang àng xã Ea Ô, kơnhoàl Ea Kar, càr Dak Lak, ồng Bùi Trọng Lực neh lời uă tu\ jiơ mờ bơta pràn bal mờ ală kấp gah lơh broă tàm xã lơh ală broă lơh “Sap ntas klèng sền gàr bơta lơngăp lơngai”; “Cau lơh sa kă bro mờ sền gàr bơta lơngăp lơngai ờdo ờdă”; mờ “Tô ri mblàng yal làm bă tiah” nàng gàr niam bơta lơngăp lơngai ờdo ờdă tàm xã.

Thôn 12 là thôn tờm ngan bơh xã Ea Ô, kơnhoàl Ea Kar dê mờ uă hìu ràng tăc phan sa, hìu `ô sa, tiah nhơl chờ rài bồ tơngoh lơh broă. Uă mpồl ơruh pơnu tàm tiah do sùm rwah anih do nàng tơrgùm să, nhơl gơlềng gơlàng, lơh aniai tung lơtăng lơh bơta lơngăp lơngai ờdo ờdă gơbàn kal ke ngan.

Ồng Phan Tiến Sỹ, tàm thôn 12, xã Ea Ô, kơnhoàl Ea Kar pà gi\t, ală nam lài, tiah do sùm là tiah pơneh ngan bè bơta ờ lơngăp lơngai tu\ jơnau tung kơ`au phan, tam lơh gơ\p gơlik geh sùm. Mơya, kờp bơh tu\ broă lơh “Săp ntas klèng sền gàr bơta lơngăp lơngai” geh lơh den jơnau do neh gơmù uă ngan.

"Bơh tu\ kuang àng xã geh broă lơh “Săp ntas klèng sền gàr bơta lơngăp lơngai”, tu\ săp ntas klèng kơryan ờ ai lòt rê uă geh pờng den jơh ală làng bol, hìu `ô sa, hìu ràng tăc phan bơna pal lơh jat di tu\ jiơ kơryan ờ ai lòt rê uă, tơn jơh broă kă bro.

Broă lơh săp ntas klèng lơh geh là geh cồng nha ngan, tài bơh tu\ ờ geh săp ntas klèng den kal ke ngan, tài bơh pah tu\ lòt sền, den mpồl lòt sền ờ geh cơng tàng nàng bơto tơngkah làng bol, ală hìu tăc phan `ô sa. Ai mờ tu\ geh săp ntas klèng geh pờng den ơruh pơnu ờ gam tu\ jiơ nàng bơtòm tơrgùm să tai, jơnau tam lơh gơ\p, tung kơ`au phan ờ gam gơlik tai”.

Bơh cồng nha bơh broă lơh “Săp ntas klèng sền gàr bơta lơngăp lơnga”, lồi nam 2014, ồng Bùi Trọng Lực dan tai mờ kuang đơng lam bồ UBND xã Ea Ô lơh broă lơh “Cau lơh sa kă bro mờ sền gàr bơta lơngăp lơngai ờdo ờdă”.

Bơh broă lơh, ală cau lơh sa kă bro tàm do tă pơgồp priă jền nàng dong kờl priă càn ờ sa priă cồng ai ală cau pa rê jàm in rê wơl hờ [òn lơgar tờm lơh sa kis gơrờm bal mờ làng bol [òn lơgar.

Ồng Phạm Xuân Bính, 59 sơnam ơm tàm thôn 5A, xã Ea Ô, kơnhoàl Ea Kar pà gi\t, bồ nam 2015 lài do, tơnơ\ tu\ rê bơh hìu jàm rê wơl hờ [òn lơgar tờm rài kis tìp uă ngan kal ke tài bơh nùs nhơm bàs sìl, kờ` jơh nùs lơh sa mơya ờ geh priă, ờ geh bơta gi\t wa\.

Di tàm tu\ hơ\, ală mpồl cau tàm hơ\ ala mat là ồng Bùi Trọng Lực, Kuang atbồ Kuang àng xã Ea Ô sùm tus pơndờm pơnđiang, dong kờl. Ờ mìng bè hơ\ lơm, ồng Lực gam càn priă bơh kes priă “Cau lơh sa kă bro mờ sền gàr bơta lơngăp lơngai ờdo ờdă” nàng dong kờl bơcri ròng phan.

Bơh priă do bal mờ bơta dong kờl bơh să tờm ồng dê neh bơcri ròng sur me mờ sur tăc puăc. Tus tu\ do, sur neh ròng rơ\ rài tus mờr 100 nơm pah nam, lơh geh priă cồng pah nam rlau dùl rhiang tơlak. Ồng Phạm Xuân Bính yal:

"Rê bơh hìu jàm den nùs nhơm muăt jrùm ngan, rài kis hìu bơnhă kal ke, lơh sa ờ gơguh. Tơnơ\ hơ\ đah kuang àng mờ să tờm là bi Lực ala mat xã tus pơndờm pơnđiang ai càn 50 tơlak priă, a` neh pơrjum bal mờ priă càn bơh gơ\p bơyô dê nàng bơcri ròng sur.

Bơh hơ\, hìu bơnhă a` ròng rơ\ rài geh tus mờr 30 nơm sur me, pơgăp rlau 100 nơm sur tăc puăc, pah dơ\ den pah nam kung tăc geh priă cồng pơgăp bơh 150 tus 200 tơlak priă. Kơnờm bè hơ\ mờ geh priă ròng oh kòn tus dờng, geh hìu đam kơ\ kơl jăp”.

Jat ồngBùi Trọng Lực yal, xã Ea Ô là xã tiah ngài bơh kơnhoàl Ea Kar dê mờ 3 rbô hìu bơnhă, mờr 12 rbô nă cau mờ 10 jơi bơtiàn kòn cau oh mi ơm kis bal. Ea Ô sùm là tiah pơneh ngan bè bơta ờ lơngăp lơngai ờdo ờdă bơh kơnhoàl Ea Kar dê.

Nàng bơsong jơnau geh ngan do, ồng neh lòt còp lùp bơsram uă tiah mờ dan mờ kuang đơng lam bồ UBND xã Êa Ô, kuang àng kơnhoàl Ea Kar ai lơh ală broă lơh sền gàr atbồ is gàr niam bơta lơngăp lơngai ờdo ờdă. Bơh tu\ ală broă lơh geh ai lơh, mpồl lơh broă geh gơnoar bal mờ gal ngan làng bol dùl nùs bal lơh den tàng bơta ờ lơngăp lơngai neh geh kơryan uă ngan.

Ồng Lực pà gi\t, tàm ală broă lơh gam lơh den ồng kờ` ngan rlau jơh là broă lơh “Săp ntas klèng sền gàr bơta lơngăp lơngai”. Broă lơh do geh tam pà gơs 3 bơta: klèng sồr bơsram sră, klèng ơm ngềt ngơ\t mờ klèng yal tơngkah nàng làng bol bal mờ ală mpồl atbồ sền gàr is in lam lơh jat. Bơh broă lơh săp ntas klèng yal tơngkah, ală nam do, mpồl kuang àng xã bal mờ làng bol neh sền go\, ku\p geh uă cau, uă dơ\ tung kơ`au phan.

"Tàm thôn 1B, làng bol sền go\ geh mpồl cau đìh rơndeh măy lòt kơ`au so. Làng bol neh pờng klèng yal tơngkah hòi jà làng bol nàng kơryan tàm ală gơl gùng, rơndăp cau kơryan nàng ku\p geh 2 nă cau mờ dùl nơm rơndeh măy bal mờ phan kơ`au là 2 nơm so. Tơnơ\ tu\ ku\p, ala mat làng bol yal mờ kuang àng in tus jàu phan ku\p geh tàm hơ\ geh so mờ rơndeh măy bal mờ 2 nă cau nàng jun tus kơnhoàl lùp khàu”.

Ồng Vũ Huy Khôi, Chủ tịch UBND xã Ea Ô pà gi\t, xã geh UBND kơnhoàl rwah là xã lam lài bơh càr dê bè bơ\t bơtàu [òn lơgar pa. Tàm bơ\t bơtàu [òn lơgar pa, broă bè gàr niam bơta lơngăp lơngai ờdo ờdă là broă digơlan [ươn lơh mơya gơlơh kal ke ngan wơl tàm broă gàr kơ\ pơndrờm mờ ală broă ndai.

Tàm ală nam do, Ea Ô sùm gàr kơ\ geh broă do nàng lơh gơs jơh ală broă bơ\t bơtàu [òn lơgar pa. Lơh geh cồng nha do geh bơta tă pơgồp uă ngan bơh să tờm ồng Bùi Trọng Lực, Kuang atbồ Kuang àng xã dê. Ồng Vũ Huy Khôi pà gi\t:

“Tàm ală nam do, bơta bơta rơndăp broă, dong broă, đơng lam bơh mpồl kuang àng xã dê tàm hơ\ là ồng Bùi Trọng Lực, Kuang atbồ Kuang àng xã đơng lam mờ sồr bơh mpồl kuang àng xã dê tàm hơ\ là ồng Bùi Trọng Lực, Kuang atbồ Kuang àng xã, ồng neh dan mờ xã đơng lam mờ sồr lơh niam ngan broă lơh gàr niam bơta lơngăp lơngai ờdo ờdă geh kơ\ kơl jăp.

Bơh sơnrờp là pơneh ờ niam ngan den tu\ do, bơta lơngăp lơngai ờdo ờdă tàm xã sùm geh gàr niam kơnờm ală broă lơh sền gàr bơta lơngăp lơngai geh lơh. Tus tơngai do, den gơtùi đơs ngan là cồng nha bơh ală broă lơh dê kung gam lơh broă niam sơl, kuơmàng kuang àng kơnhoàl Ea kar neh rwah broă lơh “Săp ntas klèng sền gàr bơta lơngăp lơngai” nàng ai lơh uă tàm jơh gùt kơnhoàl”.

Mờ ală cồng nha lơh geh tàm ală nam do, ồng Bùi Trọng Lực, Kuang atbồ Kuang àng xã neh geh gah lơh broă geh gơnoar tiah do, Kuang àng càr Dak Lak pà uă ngan sră jờng rơ dờng màng, kuơmàng là Thủ tướng Chính phủ pà Bằng khen tài tus bal tă pơgồp uă ngan tàm srơh sền gàr bơta lơngăp lơngai dà lơgar.

Mơya, gơ wèt mờ ồng Lực phan jờng dờng màng ngan rlau jơh digơlan là bơta pin dờn kờ` gơboh bơh  kấp hơđăng dê, bơh ală oh mi lơh broă bal, bal mờ ală rơnàng làng bol tài bơta ring lơngai tàm [òn lơgar là jơnau geh kuơ ngan rlau jơh!

Cau mblàng Lơ Mu K’Yến