VOV4.K’ho –Bơh priă bơcri bơh sơnrờp mìng 30 tơlak lơm, bi Mã Văn Cương, cau Nùng, ơm tàm xã Cư\ Êlang, kơnhoàl Ea Kar, càr Dak Lak neh sơnđờm mu\t lơh broă geh cồng nha mờ broă lơh sươn chi sa plai, lơh geh priă jền mờr nggùl tơmàn priă pah nam. Bal mờ hơ\, bi Cương gam là dùl nă kuang bàng lơh broă đoàn tơryăng tơryồng nhhap nhhar jơh nùs ngan mờ geh uă broă lơh bơceh pa jak tàm tàm broă lơh đoàn.

Sươn chi ơnàng rlau 4 lồ, tam ală tờm chi sa plai, bè: kroăc, kuết, bung, gơ àl bơh bi Mã Văn Cương dê, Bí thư Đoàn xã Cư\ Êlang, kơnhoàl Ea Kar, càr Dak Lak pa geh tơnhàu 2 kàl, mơya neh gơ gơs là dùl tàm ală sươn chi lam lài nàng cau lơh broă sa tàm xã, tàm kơnhoàl lòp còp mờ lùp bơsram đòm jat.

Bi Mã Văn Cương bal mờ pơ ùr sơngka sền gàr sươn kroăc, kuêt

Ồng Đỗ Văn Hưu, Chủ tịch Ủy ban Nhân dân xã Cư\ Êlang pà gi\t, bơdìh mờ cồng nha mờ bơta niam lơh geh bơh sươn chi dê, den broă lơh sa bơh bi Mã Văn Cương dê gam geh đơs niam ngan tài bơh ùr bơklau bi neh gi\t lơh broă lơh sa bơh priă jền bơh sơnrờp dùl êt ngan.

Mìng mờ pơgăp 30 tơlak priă lơm càn bơh Ngân hàng Chính sách Xã hội dê, bi chài ngan pơgồp bal mờ ală priă càn ndai, nàng bơcri lơh geh cồng nha sươn chi lơh geh priă jền tus 1 tơmàn priă tàm 2 kàl tơnhàu pa do.

Gơ wèt mờ bi Mã Văn Cương, dùl nă cau tàm đảng ủy, là Bí thư Đoàn ơruh pơnu den lài do rài kis kal ke ngan. Tàm ală nam do, hìu bơnhă bi hơ\ kung neh lơh ngan pơđơl pràn, sơrlèt gan tàm rài kis, bơh ală bơnah priă càn bơh ngân hàng dê mờ ală bơnah priă jền ndai bi neh khin cha ngan bơcri lơh broă lơh sươn chi sa plai.

Tus tu\ do, kung là dùl tàm ală broă lơh geh đơs niam ngan bè đah cồng nha lơh geh tàm ù tiah xã dê mờ geh uă ngan làng bol lòt còp sền, lùp bơsram bơta mờng chài đòm jat nàng rê bơcri tàm broă lơh sa hìu bơnhă dê.

Bi Mã Văn Cương (đah ma) bơto pơlam đoàn viên bơta chài tam plai màk

Bi Mã Văn Cương yal, Cư\ Êlang là kơnhoàl ù tiah r[ah ngan, ờ gơdờp mờ ală tờm chi tam công nghiệp jo\ nam, mơya niam ngan nàng tam chi sa plai. Tàm xã, geh ờ dùl êt nă cau neh lơh geh cồng nha mờ broă lơh do, lơh geh priă jền gi\t nđờ rhiang tơlak priă tàm dùl lồ dùl nam.

Gơ wèt mờ ală cau bơyô kơnòm să kung sơnđờm mu\t lơh sa tàm rài kis kal ke bè he sơl, bi yal: Bơta kal ke ngan rlau jơh là ngac ngar ngui chài ală bơnah priă bơcri. Ai bè đah bơta chài lơh broă sa sươn sre, den tu\ do geh uă broă lơh geh ngan tàm rài kis nàng lùp bơsram, mơkung [ươn ngan lùp bơsram tai bơh tàm internet.

Kờ` lơh geh bè hơ\ den he pal lòt lùp bơsram bơh ală cau neh lơh lài hơ\, hơ\ sồng pal lùp sền tai tàm internet, bơh hơ\ sồng tơrgùm jơh wơl mờ sac rwah is mờ đòm jat lơh tàm ală broă lơh sơngka sền gàr nàng lơh geh priă jền ai hìu bơnhă in.

Bal mờ rề ơnàng lơh sươn chi, bi Cương gam ròng tai uă sur, iar

Ờ mìng sền gròi bơtàu tơnguh lơh sa hìu bơnhă he dê in lơm, bi Mã Văn Cương gam là dùl nă kuang bàng đoàn ngac ngar, nhhap nhhar, jơh nùs jơh tồr ngan tàm broă lơh. Bi tus bal lơh broă đoàn ơruh pơnu xã bơh nam 2009 mờ at gơnoar broă Bí thư Đoàn xã bơh nam 2011 tus tu\ do.

Bi Hoàng Bình Nguyên, Kuang bàng Huyện Đoàn Ea Kar, đơs: Bi Mã Văn Cương neh geh uă gùng dà broă lơh tơrgùm bal, dong kờl đoàn viên ơruh pơnu bơtàu tơnguh lơh sa. Bơdìh hơ\ tai, bi gam hòi jà tă pơgồp geh ală bơnah priă jền nàng bơyai lơh ală broă lơh dong kờl is, pơgồp bơnah lơh tam gơl niam broă lơh Đoàn tàm xã.

Mờ ală cồng nha do, nam 2016, bi Mã Văn Cương geh Mpồl tam klac ơruh pơnu càr Dak Lak jờng rơ là kuang bàng Mpồl tam klac ơruh pơnu pơnrơ jak kấp càr, broă lơh sa bơh bi dê geh rwah là dùl tàm 20 broă lơh ơruh pơnu lơh sa jak pơnrơ kấp càr.

Bi Mã Văn Cương là dùl tàm ală kuang bàng đoàn pơnrơ tàm ù tiah kơnhoàl dê. Lơh Bí thư Đoàn xã, bi neh geh uă gùng dà broă lơh bơtòm tơrgùm ơruh pơnu mu\t tàm mpồl đoàn mờ dong kờl đoàn viên ơruh pơnu bơtàu tơnguh lơh sa.

Mờ bi kung geh bơta gi\t gơ\p rềp mềl ngan mờ ală mpồl cau nàng lam lơh ală broă lơh dong kờl is bè kham kòp pà sơnơm, lơh hìu kờ` gơboh kòn bơnus ai ală hìu bơnhă geh rài kis kal ke in mờ pà ală bơnah phan ai ală oh là kơnòm bơsram jak sơrlèt gan rài kis r[ah lơ ời kal ke.

Ờ mìng lơh sa jak lơm, bi Mã Văn Cương gam là dùl nă kuang bàng lơh broă đoàn tơryăng tơryồng jơh nùs jơh tồr ngan mờ broă lơh

Xã Cư\ Êlang là xã kal ke bơh kơnhoàl Ea Kar, càr Dak Lak dê, khà hìu r[ah gam tus 63%. Broă lơh tam chi sa plai mờ bi Mã Văn Cương dê tus bal bơtàu tơnguh tàm xã, gam rơhời cèng wơl ală cồng nha uă ngan, ờ mìng dong cau lơh broă sa tàm xã tơrmù r[ah mờ gam lơh ngan brồ guh lơh pas.

Mờ ală đoàn viên, ơruh pơnu tàm xã, bơta tơryăng tơryồng jơh nùs jơh tồr lơh ngan sơrlèt gan brồ guh bơh bi Mã Văn Cương dê neh gơ gơs là krơh àng, cau pơnrơ, pơn jờng srơh ơruh pơnu lơh ngan lơh sa kă bro jak, pơgồp bơnah ai xã ngai sơlơ bơtàu tơnguh, rài kis làng bol sơlơ tơl ngui tơl sa, tơn jơh jơgloh tơrmù r[ah kơ\ kơl jăp.

Cau mblàng Lơ Mu K’Yến