VOV4.K’ho- Mho ngai 27/12, Sở Văn hoá, Thể thao mờ Du lịc càr Dăk Lăk bơyai lơh pơrjum mờ ală mpồl lơh sa kă bro nhơl chờ nàng cribơyai bè ală broă lơh gơhòi gơ jà năc lòt nhơl, bơtàu tơnguh wơl gah nhơl chờ tơnơ̆ ală jơnau gơrềng kơn jơ̆ ngan bơh kòp Kovid-19 dê.

Bơtàu tơnguh wơl nhơl chờ

Jăt jơnau yal tàm dơ̆ pơrjum, nam 2021, Nhơl chờ Dăk Lăk gơtìp gơrềng kơn jơ̆ ngan tài bơh kòp Kovid-19. Khà năc tus mờ càr mìng geh pơgăp 414 rbô nă lơm; kờp jơh priă lơh geh bơh gah nhơl chờ kờp dŭ geh pơgăp 355 tơmàn đong, gơmù nggùl khà pơndrờm mờ nam 2020. Nàng bơtàu tơnguh wơl nhơl chờ, Ủy ƀan Ñân zân càr Dăk Lăk neh geh broă rơndăp lơh, broă lơh, gùng dà broă lơh sền gàr ờdo ờdă bè rơcăng sơndră kòp Kovid-19; jơh nùs dong kờl, tă bơsong kal ke nàng mpồl lơh sa kă bro nhơl chờ in gờñ bè ờs wơl, rơhời bơtàu tơnguh wơl. Càr geh lơh pràn hòi jà, yal tơngĭt nhơl chờ mờ ală tiah, bè càr Khánh Hoá mờ ƀòn dờng Đà Nẵng bal mờ ală phan bơna gơhòi gơ jà lòt nhơl. Tơnguh uă ngan rlau jơh bơta niam phan bơna mờ giă mờ drơng broă dipal.

Cau mblàng Lơ Mu K’Yến