VOV4.K’ho-Mho ngai 04/5, Uỷ ban Mặt trận dà lơgar Việt Nam càr Dak Lak bơyai lơh pơrjum lam lơh broă rơndap lơh bơyai lơh tìp mat mờ cau tĕ khà nàng cau tơlik mat tĕ khà Kuang bàng Quốc hội khóa 15, Kuang bàng Hội đồng Nhân dân càr khóa 10, tơngai lơh broă bơh nam 2021-2026 lơh jat dơ̆ hòi jà tĕ khà. Jat cồng nha yal sră cih mat ngan ngồn ală cau tơlik mat tĕ khà Kuang bàng Quốc hội khoá 15 mờ Kuang bàng Hội đồng Nhân dân càr Dak Lak khoá 10, tơngai lơh broă bơh nam 2021-2026, càr Dak Lak geh 15 nă cau tơlik mat tĕ khà Kuang bàng Quốc hội khoá 15 (tàm hơ̆ geh 04 nă Kuang bàng bơh Dà lơgar yal tơngĭt bè cau tơlik mat tĕ khà) geh tàm pà, yal tơngĭt bè hòi jà tơlik mat tĕ khà tàm 03 mpồl lơh broă tĕ khà; 125 nă cau tơlik mat tĕ khà Kuang bàng Hội đồng Nhân dân càr khoá 10, tơngai lơh broă bơh nam 2021-2026 geh tàm pa, yal tơngĭt bè hòi jà tơlik mat tĕ khà tàm 20 mpồl lơh broă tĕ khà.

Dơ̆ pơrjum

Ală dơ̆ pơrjum tìp mat mờ cau tĕ khà gơwèt mờ cau tơlik mat tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tàm ù tiah càr Dak Lak dê tơngai lơh broă bơh nam 2021-2026 geh bơyai lơh bơh ngai do 05/5 tus ngai 12/5/2021. Broă bơyai lơh ală dơ̆ pơrjum tìp mat mờ cau tĕ khà hòi jà tĕ khà pal di pal mờ jơnau sồr rcang sơndră kòp Covid-19.

Cau mblàng K’ Hạnh