VOV4.K’ho- Ngai 10/12, ală tiah tàm gùt càr Dăk Lăk sơn đờm lam lơh cit sơnơm vaccine kòp Covid-19 ai kơnòm bơsram kấp 2 bơh 12 tus 15 sơnam in. Kờp jơh khà kơnòm bơsram kấp 2 geh cit sơnơm vaccine dơ̆ do mờr 120 rbô nă oh, broă lơh cit sơnơm vaccine geh lam lơh jat broă lơh: lơh jơh lài dùl bă tiah hơ̆ sồng lam lơh tiah ndai, sơnam bơh dờng gơmù tus dềt.

Jat hơ̆, tàm poh do, ală kơnòm bơsram ơdŭ 8 mờ ơdŭ 9 geh cit lài, tus poh tơnơ̆ geh pơn jat tai ai kơnòm bơsram ơdŭ 7 mờ ală kơnòm bơsram ơdŭ 6 tơl 12 sơnam in. Nàng gàr niam broă lơh rơcang sơndră kòp Covid-19, lơh jat di jơnau sồr 5K, gah lơh sơnơm càr Dăk Lăk neh lơh broă pờ tơlik tơn tàm internet mờ ală hìu bơsram, yal tơl nă mè bèp kơnòm bơsram in rơcang jun kơnòm bơsram tus ală anih cit sơnơm vaccine jat di tŭ jơ geh sồr, pleh tơrgùm gal cau. Mờ kung ai cau gròi sền bơta ờ niam gơlik geh tơnơ̆ tŭ cit mờ rơndeh sơ nơm rơcang lài nàng bơsong di tŭ ală cau gơbàn bơta ờ niam tơnơ̆ tŭ cit vaccine.

Cau mblàng K’Duẩn