VOV4.K’ho- Drim ngai 15/4, Mpồl đơng lam làm gah bè ờdo ờdă phan sa càr Dak Lak bơyai lơh Pơrjum lam lơh Nhai lơh broă tài ờdo ờdă phan sa nam 2021 geh lơh bơh ngai 15/4 tus ngai 15/5/2021 mờ tơngume “Gàr ờdo ờdă phan sa, rơcang sơndră khih phan sa tàm tŭ tơngai pa”. 

Jơnau kờñ bơh Nhai lơh broă dê là sơlơ tơnguh broă lơh mblàng yal dipal, di tŭ, tơl làm, geh kơnòl bè ờdo ờdă phan sa nàng kờñ tơnguh gơnoar broă, kơnòl broă bơh ală mpồl lơh broă, cau dùl nă să, mpồl lơh sa kă bro dê tàm broă lơh jat adat boh lam bè ờdo ờdă phan sa; tơnguh broă lùp sền, sền sơwì bè ờdo ờdă phan sa tàm ală anih lơh gơlik, tac phan nàng kờñ tơrmù ƀà bơta khih phan sa.

Broă lam lơh Nhai lơh broă tài ờdo ờdă phan sa geh dong Dak Lak tơnguh jơnau git wă, kơnòl broă bơh ală kấp, ală gah broă lơh, mpồl cau, cau dùl nă să lơh gơlik, tac bro phan sa dê, tơrmù ƀà bơta phan sa ƀơ̆ ƀơl geh tac tàm drà kă bro.

Cau mblàng K’Duẩn