VOV4.K’ho- Tài gơrềng bơh mìu càl rơbŭt dờng sồ 5, bàr pe tiah bơh càr Dăk Lăk dê geh mìu dờng, lơh ngơr băm dà, dà kŏ dà cò uă tiah. Tàm kơnhoàl Lăk, dùl tàm ală tiah lơh kòi sre dờng ngan rlau jơh bơh càr dê, neh geh 230 lồ kòi gơtìp ngơr băm jrô tàm dà, làng bol mhar ngan toès kòi ntoat pơrlòng mờ dà tih.

Làng bol tram tàm dà tih toès kòi ntoat pơrlòng mờ dà tih

Ồng Nguyễn Viết Quang, Kuang atbồ Phòng Nông nghiệp mờ phát triển Nông thôn kơnhoàl Lăk pà gĭt, dà bơh bồ tô dà tih mhar ngan jat tàm dà dờng Krông Na mờ ală dà croh dờng bè Dăk Phơi, Dăk Liêng, lơh gĭt nđờ rơhiang lồ kòi gơtìp ngơr băm jrô tàm dà lềng, tơrgùm tàm 3 xã Dăk Liêng, Buôn Triết, Buôn Tría mờ kờp dŭ bă sre gơtìp ngơr băm geh gam gơguh mhar. Gah lơh broă geh gơnoar neh pơgồp bal mờ UBND ală xã Buôn Tría, Buôn Triết, Dăk Liêng lơh broă tơrgùm wơl ală bă sre gơtìp hoàc huơr nàng geh bơta dong kờl jat Nghị định sồ 02 nam 2017 bơh Chính phủ dê.

Cau mblàng K’Hạnh