VOV4.K’ho- Tàm nhai Ơruh pơnu nam do, rơnàng kơnòm să Dak Lak neh lơh geh 710 broă lơh, bơnah broă bơh uă broă lơh, lơh broă geh kuơ. Do là ală khà kờp geh đơs tàm dơ̆ tơn jơh Nhai ơruh pơnu nam 2021 bơh Tỉnh đoàn Dak Lak dê bơyai lơh mho ngai 15/04.

\

Pà khà jờng ai ală mpồl cau bal mờ cau dùl nă să is jak ngan

Broă lơh pơn rơ ngan bè bơyai lơh 346 dơ̆ mblàng yal mờ broă lơh bè sền gàr tiah ơm kis, rcang sơn dră bơta aniai bơh sồ siă đù dê, sơndră wơl mờ tam gơl trồ tiah, gơ hòi gơ jà rlau 20 rơbô 700 nă đoàn viên ơruh pơnu tus bal. Ală kấp bộ đoàn lơh niam wơl 25 kơi sồ gùng ƀòn lơgar; lơh rlau 20 kơi sồ sòl àng gùng lòt ƀòn lơgar; bơyai lơh 10 dơ̆ pà mhàm is, bơh hơ̆ hòi jà geh mờr 3 rơbô kơldung mhàm. Ală broă lơh dong kờl ơruh pơnu sơnđờm mut lơh broă, bơtàu tơnguh lơh sa geh sền gròi lam lơh mờ uă ngan broă lơh bè: bơyai lơh lòt sền bơsram tàp ală broă lơh, yal tơngĭt ală jơnau bè bơta gĭt wă sơnđờm mut lơh broă, lơh broă lơh; bơto pơlam ai Ơruh pơnu in lơh rơndap broă lơh mờ càn priă bơcri sơnđờm mut lơh broă.

Cau mblàng K’Hạnh