VOV4.K’ho- Tus tơngai do, càr Dăk Lăk neh cĭt geh 82% vaccine ding dơ̆ dùl mờ rlau 10% ding dơ̆ bàr ai cau bơh 18 sơnam rlau hơđang in. Càr lơh ngan tus jơh nhai 11 do geh cit sir ding dơ̆ dùl mờ tơn jơh nam 2021 geh cĭt tơl vaccine bàr ding ai 1 tơlak 500 rbô nă cau in.

           Càr Dăk Lăk lơh ngan tus jơh nam do geh cĭt tơl vaccine bàr ding ai 1 tơlak 500 rbô nă làng bol in 

Ƀác sĩ ồng Trịnh Quang Trí- Kuang ătbồ Anih tờm gròi sền kòp tê jê să càr Dăk Lăk pà gĭt, càr gam sùm gŏ rlau dùl rhiang nă cau bơtờp kòp Covid-19 pah ngai, mờ Bộ Y tế neh ai lài tam pà vaccine ai càr Dăk Lăk in nàng lơh mhar broă cĭt tơl jơh vaccine kòp Covid-19. Broă rơndăp lơh tus lồi nhai 12 nam do, tŭ dờp tơl vaccine, geh cĭt tơl jơh bàr ding ai cau 18 sơnam rlau hơđang in mờ pơgăp 205 rbô nă cau bơh 12 tus 17 sơnam in.

Cau mblàng Lơ Mu K’Yến