VOV4.K’ho- Drim ngai 30/3, tàm ƀòn dờng Buôn Ma Thuột, Sở Thông tin mờ Truyền thông càr Dăk Lăk neh pờ ơdŭ bơto pơlam broă lơh yal tơngĭt jơnau mblàng yal dơ̆ tĕ khà Kuang bàng Quốc hội khoá XV mờ Kuang bàng Hội đồng Nhân dân ală kấp tơngai lơh broă bơh nam 2021- 2026. 130 nă cau bơsram là kuang đơng lam bồ, cau lơh băo, cau sền swì jơnau ală anih lơh broă sră băo tàm càr mờ cau lơh băo ală anih lơh sră băo Dà lơgar dê lơh broă sùm tàm Dăk Lăk tus bal ơdŭ bơto pơlam.

Sở Nội vụ càr Dăk Lăk đơs là, broă lơh yal tơngĭt jơnau sră băo lơh gơnoar broă kuơmàng ngan tàm cồng nha bơh dơ̆ tĕ khà Kuang bàng Quốc hội khoá XV mờ Kuang bàng Hội đồng Nhân dân ală kấp tơngai lơh broă bơh nam 2021- 2026. Bơh broă lơh mblàng yal lơh ai jơh gùt Đảng, gùt ling klàng mờ gùt làng bol in gĭt wă loh jơnau kờñ, gơnoar broă, bơta kuơ mờ bơta dờng màng bơh broă lơh chính trị do dê là nàng kờñ săc rwah ală cau ala măt pơnrơ, dipal ala măt ai bồ tơngoh, bơta kơ̆p kờñ mờ gơnoar lơh tờm bơh làng bol dê.

Cau mblàng Lơ Mu K’Yến