VOV4.K’ho- Ngai 16/4, Uỷ ban Mặt trận dà lơgar Việt Nam càr Dak Lak bơyai lơh pơrjum cribơyai dơ̆ 3, yal cồng nha bơyai lơh ai jơnau đơs mờ bơta pin dờn bơh cau tĕ khà dê tàm tiah ơm kis, dùl nùs ring bal cih mat ală cau tơl bơta tơlik mat tĕ khà Kuang bàng Quốc hội khoá 15 mờ cau tơlik mat tĕ khà Kuang bàng Hội đồng Nhân dân càr, tơngai lơh broă bơh nam 2021-2026.

Dak Lak lơh sir Pơrjum cribơyai dơ̆ 3

Jat tàm bơnàng jă ală sră nggal sồr, bơh dơ̆ cribơyai, tàm pơrjum cribơyai dơ̆ 3, ală Kuang bàng neh pờ tê ring bal cih mat 11 nă cau ngan ngồn tus bal tơlik mat tĕ khà Kuang bàng Quốc hội khoá 15. Pơrjum kung ring bal cih mat ngan ngồn 125 nă cau tơl bơta tơlik mat tĕ khà Kuang bàng Hội đồng Nhân dân càr, tơngai lơh broă bơh nam 2021-2026, tàm pa bal rê tàm 20 mpồl lơh broă tĕ khà pồ 75 nă Kuang bàng. Tơnơ̆ pơrjum cribơyai dơ̆ 3, Ủy ban tĕ khà càr Dak Lak geh pơn jat tai lơh ală  broă lơh yal tơngĭt cau tơlik mat tĕ khà lơh jat broă lơh hòi jà tĕ khà, yal mờ cau tĕ khà bè jơnau kờp dŭ broă lơh lơh broă bơh he dê.

Cau mblàng K’ Hạnh