VOV4.K’ho- Jơnau yal bơh Anih lơh broă geh gơnoar tàm càr Dăk Lăk dê, drim òr (09/08), kờp bơh tŭ 12 jơ mang ngai 24 nhai 7 tus tŭ do (tơngai ƀòn dờng Buôn Ma Thuột mờ kơnhoàl Cư̆ Kuiñ lơh jăt broă tam cah ngài mpồl bơtiàn nàng rơcang sơndră mờ kòp Covid-19 jăt Chỉ thị sồ 16 bơh Chính phủ), neh geh 390 nă cau tìs mờ kơrnoăt rơcang sơndră mờ kòp. Kờp jơh khà priă lơh glài geh tơmŭt tàm kes priă Dà lơgar là rơlao 500 tơlăk đong.

Tàm hơ̆, kơnhoàl Cư̆ Kuiñ geh 4 nă cau gơtìp lơh glài, khà priă là 8 tơlăk đong; gam tai là 386 nă cau tàm ƀòn dờng Buôn Ma Thuột. Broă lơh glài ală cau tìs geh lơh jăt nền nòn, lam sồr ală cau pal lơh jăt nền nòn broă tam cah ngài, pơgồp bal tàm broă rơcang sơndră mờ kòp Covid-19 tàm càr geh cồng nha uă ngan.

Cau mblàng Ndong Brawl