VOV4.K’ho-Dong kờl hìu ơm, sền gròi, lòt còp tu\ gơtìp kòp jê, lơh geh tơl ală bơta mờ tiah lơh broă ờdo ờdă, duh hồl…là ală broă lơh geh kuơ ngan bơh ală mpồl công đoàn tàm càr Dak Lak dê gam lơh, tơngo\ bơta sền gròi, dong kờl bơtàu tơnguh rài kis cau lơh broă dê.

Hơ\ kung ngan là bơta pràn dong khi sơrlèt gan tơryang tơryồng tàm lơh broă lơh sa, tă pơgồp tàm cồng nha lơh geh bal bơh anih lơh broă, mpồl lơh sa kă bro tiah he dê.

          Công ty trách nhiệm hữu hạn một thành viên 2-9 Dak Lak là mpồl lơh sa kă bro sùm tăc kơphê mờ lơgar ndai. Broă lơh gơlik kơphê tàm hìu măy sùm lơh gơlik săp ntas dờng mờ bơta thul kơmbuh uă ngan.

Nàng lơh niam wơl bơta lơh broă ai cau lơh broă in, công đòan Công ty neh dan mờ kuang đơng lam bồ công ty crăp uă măy tơmu\t càl jồp thul kơmbuh. Broă do geh kuang đơng lam bồ ai bơtơl tàm mat broă bơcri priă tu\ mpồl lơh sa kă bro lơh tơnguh hìu măy blơi măy mok pa nàng tơnguh pràn jak lơh broă drơng tăc phan mờ lơgar ndai.

Là công nhân lơh broă  tàm công ty rlau 10 nam do, bi Nguyễn Văn Quyết iang nùs tu\ să jan geh sền gàr. Bi đơs:

“Tềng đap phan lơh broă bơh hìu măy dê ờ tơl ngan, măy mok ờ hềt geh blơi uă, geh bơta sền gròi bơh kuang đơng lam bồ công ty dê kung bè jơnau dan bơh công đoàn cơ sở dê den công ty neh geh ală bơta tam gơl pa lơh niam wơl bè bơta tiah lơh broă ai cau lơh broă in bè crăp tai măy mok jồp jơh thul kơmbuh, lơh geh gùng càl mu\t, pờ àng nàng tiah lơh broă bơh cau lơh broă dê geh niam rlau”.

Liên đoàn lao động càr Dak Lak jàu sră lơh pơrya gời priă dong kờl lơh hìu ơm công đoàn ai cau ala mat ală công đoàn cơ sở in

Lơh broă mờ công ty TNHH lơh ze\p kho\ Việt Thắng, xã Ea Đar, kơnhoàl Ea Kar, càr Dak Lak bơh ală ngai pa crơng gơs, bi Nguyễn Thị Huệ, chủ tịch Công đoàn công ty Việt Thắng, pà gi\t: là dùl mpồl lơh sa kă bro is mờ broă lơh dềt, broă crơng gơs mpồl đơng lam công đoàn tàm công ty ờ go\ [ươn dùl êt lơi ờ.

Tài bơh bè ờs ală cau tờm ngui cau lơh broă ờ go\ kờ` ngan mờ mpồl cau do, mơya mờ bơta bơto pơlam bơh liên đoàn lao động kơnhoàl Ea Kar mờ mpồl đơng lam công đoàn tàm do geh crơng gơs bơh gờ` ngan mờ lơh broă kung geh cồng nha ngan sơl.

2 nam mu\t lơh broă, mpồl đơng lam công đoàn neh dan mờ kuang đơng lam bồ công ty ki\ jơnau hơ lơh broă bal den tàng uă gơnoar kuơ bơh cau lơh broă dê geh gàr tơl, bè: priă geh tai bơh lơh uă tai tu\ jiơ, priă khih jơlai ndrờm geh tơm wil tơl ngan. Rlau 120 nă cau lơh broă sùm iang nùs lơh broă jơh nùs mờ công ty. Bi Nguyễn Thị Huệ, đơs:

“Bơh tu\ crơng gơs công ty tus tu\ do, geh bơta đơng lam bơh liên đoàn lơh broă kơnhoàl dê mờ bơta dùl nùs bal bơh ban giám đốc công ty Việt Thắng dê, công đoàn cơ sở Việt Thắng geh crơng gơs neh dùl nùs bal mờ lơh geh jơnau pơrgon lơh broă bal ai cau lơh broă in.

Jơnau pơrgon lơh broă neh sền gàr gơnoar kuơ ai công nhân in bè blơi bảo hiểm xã hội, bảo hiểm y tế, bảo hiểm ờ geh broă lơh ai công nhân in. Bal mờ hơ\, pah nam, công đoàn công ty neh pơgồp bal mờ liên đoàn lơh broă kơnhoàl lam lơh ală tiah nhơl niam pràn ai công nhân in tơnơ\ ală tu\ jiơ lơh broă bòl glar”.

Bal mờ sền gàr gơnoar mờ bơta kuơ dipal mờ kơrnoat boh lam ai cau lơh broă in, ală nam do, ală kấp công đoàn tàm càr Dak Lak sùm sền gròi, dong kờl tus rài kis, anih ơm anih sa ai cau tàm mpồl in.

       Bi H’Thoai Hra tơngo\ bơta chờ hờp mờ kuang bàng công đoàn ală kấp tu\ geh dong kờl lơh hìu ơm công đoàn

Broă lơh “Hìu ơm công đoàn” tàm 5 nam do neh dong kờl lơh pa mờ lơh niam wơl geh mờr 650 nơm hìu ai cau tàm mpồl geh rài kis kal ke bè hìu ơm in, mờ kờp jơh priă tă lơh là mờr 19 tơmàn.

Là dùl tàm ală cau geh dong kờl lơh “Hìu ơm công đoàn”, bi H’Thoai Hra, cau tàm mpồl công đoàn anih lơh broă gơnoar atbồ kơnhoàl Buôn Đôn sền go\ gơlơh chờ hờp ngan tài bơh bơta tam pà bal bơh mpồl đơng lam công đoàn mờ ală cau tàm mpồl dê. Bi H’Thoai Hra, đơs:

“A` bơtuah ngan geh bơta sền gròi dong kờl bơh anih lơh broă công đoàn, anih lơh broă gơnoar atbồ, liên đoàn lao động kơnhoàl den tàng pa do neh dong kờl hìu bơnhă a` geh dùl nơm hìu kơ\ kơl jăp nàng a` iang nùs lơh broă mờ rơcang ai bàr nă kòn dềt in nàng ròng khi lòt bơsram tus gùng tus dà. Đơs ngan là ờ go\ gi\t đơs chi lơi tai rlau, a` chờ hờp ngan”.

Ồng Khương Huy Hoàng, Phó Chủ tịch Liên đoàn Lao động càr Dak Lak pà gi\t, jơh gùt càr tu\ do geh rlau 1.700 công đoàn cơ sở là tiah lơh broă bơh mờr 80 rbô nă cau tàm mpồl dê.

Bơdìh hơ\ tai, tàm ù tiah càr gam geh 90 công đoàn cơ sở bơh công đoàn gah dà lơgar atbồ. Broă tàm tơrbo\ bal đah công đoàn mờ anih lơh broă, [òn lơgar, mpồl lơh sa kă bro neh lơh geh cồng nha broă lơh uă ngan. Ồng Khương Huy Hoàng, đơs bè do:

“Ală nam rềp ndo, mpồl đơng lam công đoàn mờ uă mpồl lơh sa kă bro sùm sền gròi mờ lơh jat niam kơrnoat boh lam bè broă dong kờl gơ wèt mờ cau lơh broă, bơh hơ\ neh lơh geh bơta chờ hờp pơđơl pràn lơh ngan, nùs nhơm tơryang tơryồng lơh broă tàm công nhân viên chức, cau lơh broă, pơgồp bơnah ai anih lơh broă, mpồl lơh sa kă bro ngai sơlơ bơtàu tơnguh tai”.

Dong kờl bè hìu ơm, lơh geh tơl ală bơta lơh broă [ươn, lòt còp, pà phan công nhân, cau lơh broă tùp kòp jê, gơtìp gơtu\ gơtơl tàm rài kis, lam lơh ală broă lơh tìp mat lơh quèng đơs crih tam ya, tàp pràn să jan, bơsram sơlơ jak chài tàm broă lơh là ală broă lơh bơh ală mpồl đơng lam công đoàn càr Dak Lak dê tơngo\ bơta sền gròi, dong kờl bơtàu tơnguh rài kis bơh cau lơh broă dê.

Hơ\ kung là bơta pràn dong kờl lơh ngan sơrlèt gan, tơryang tơryồng tàm lơh broă lơh sa, lơh gơlik geh uă phan bơna niam ngan, tă pơgồp tàm bơta bơtàu tơnguh bơh mpồl lơh sa kă bro mờ bơh tiah he dê in.

Cau mblàng Lơ Mu K’Yến