VOV4.K’ho - UBND càr Dak Lak tơnjơh dơ\ lơh broa\ trơ gùm lùp kờp lơh sa nam 2017. Do la bơrnàng ja\ kuơ màng ngan nàng  lơh geh broa\ lơh bơtàu tơngguh lơh sa-mpồl bơtìan tàm càr. Jat lùp kờp, càr Dak Lak geh 4.300 mpồl lơh sa ka\ bro gam lơh broa\, gơ guh lin  2 dơ\ pơndrờm mờ 10 nam lài.

Bulah bè hơ\,  khà cau lơh broa\  lơh broa\ tàm ala\ mpồl lơh sa ka\ bro den gơmù mờr 11 rbô na\ cau. Gơbàn bơta do la bơh cau dờp khóan bơh ala\ kong ti, nông trường kơphe lài do, tu\ do ờ geh  kờp la kong nhơn lơh broa\. Gùt càr geh mờr 76 rbô anih ka\ bro kơphe is, gơlin rlau 11 rbô anih pơndrờm mờ nam 2012. Tàm tu\ hơ\,  khà sồ anih lơh broa\ sra\ nggal dà lơgar den  gam niam ờs, 5 nam do mìng gơ guh 3 mpồl , mơya cau lơh broa\ tàm ala\ anih do den gơguh  rlau 6 rbô na\ cau.

            Cau cih mờ yal tơnggit K’ Brọp