VOV4.K’ho - Jào git nđờ jơt rbô lồ brê ai tus mpồl lơh sa ka\ bro mơya ờ sền, sền gròi di pal, brê gơbàn roh, gơbàn sơgràm mơya ờ gơtùi kơryan geh, lưh niam wơl, hơ\ la bơta gam geh ngan tàm càr Dak Lak. Tàm ua\ ngan bơta gơbàn gơlam broa\ do, geh  bơta gơbàn bơh broa\ càr ky\ sra\ ai ơpah brê, jàu brê git nđờ jơt rbô lồ ai mpồl lơh sa ka\ bro in mờ ờ bơrkòl  kơnòl, ờ lòt sền, sền gròi mờ bơsong di pal tus ala\ bơta gơlik geh. Broa\ ờ suk la gam geh git nđờ rbô lồ  ndai geh pơnjat tai geh jào jat ala\ rơndap broa\ bềng bơta ờ  niam, geh jào tu\ ala\ mpồl lơh  sa ka\ bro neh dờp ờ rgơi tàm broa\ atbồ brê.

            Dak Lak tu\ do geh 84 broa\ lơh bơtàu tơngguh chi  brê, ua\ ngan  geh jàu tus ala\ mpồl lơh sa ka\ bro is mờ mpồl lơh sa ka\ bro cổ phần, tàm hơ\ geh 45 broa\ lơh sa suơn sre chi brê lơh bal, kờp jơh ba\ ù rlau 37 rbô 500 lồ, 30 broa\ lơh geh tam gơl brê gơs tam cao su, kờp jơh ba\ ù la rlau 21 rbô lồ. Jat jơnau yal tơnggit bơh ala\ mpồl lơh sa ka\ bro pơyua tus UBND càr Dak Lak, gơlơh geh ờ geh mpồl lơh sa ka\ bro lơi gơtùi at bồ geh bơnga\ gàr brê, lời brê gơbàn mus,  khà niam brê gơmù ua\ ngan, ala\ mpồl lơh sa ka\ bro kung gơtìp ua\ ngan  kal ke tu\ cao su mờ brê tam ờ di pal mờ tiah mut lơh broa\. ờ ua\ mpồl lơh sa ka\ bro neh crè pơng gàr, sang cao su nàng  tam ala\ chi tam sa plai. Jat ồng Bùi Mạnh Hùng, Chủ tịch Hội đồng quản trị Công ti Cổ phần xuất nhập khẩu mờ đầu tư Hải Hà, mpồl geh 2 broa\ gam mờ mờr lơh, den broa\ crè pơng gàr la broa\ pal lơh tài cao su mờ brê tam ờ cèng geh cồng nha lơh sa. Tàm tu\ hơ\,  broa\ atbồ sền gàr brê tàm broa\ lơh gơ cèng wơl tus mpồl lơh sa ka\ bro ala\ bơta gơbàn kơnjơ\ bè pria\ jền:

            Tàm bơta jào brê do den ala\ oh mi jào brê mờ  ờ geh dùl đong dùl kak pria\ lơi tàm broa\ sền gàr. Den tàng bè hơ\,  bol a` bơh geh ai? Bè hơ\ ngan la ba` jào  mpồl lơh sa ka\ bro in. Jàu ai mpồl lơh sa ka\ bro  in cau dê kung ờ sền gar geh. Bè đah mpồl lơh sa ka\ bro bol a` den kung gam gơbàn ua\ ngan kal ke. Tam  cao su den nam lơi dà tih kung chơt, nam lơi trồ prang kung chơt. Den tàng bol a` neh jàu 60 lồ gơs tam tờm bơ, pơ ò, tam chi sa plai. Tài tu\ do ờ gơtùi mìng tam cao su. Tam cao su la chơt.

            Bơta pal ờ suk tai la tàm ala\ broa\ lơh  sa suơn sre chi brê tàm Dak Lak la bơh gơnoar atbồ [òn lơgar mờ anih lơh broa\ geh gơnoar mìng git bơta bal bal lơm. Tàm tu\ hơ\ ngan bơh ala\ mpồl lơh sa ka\ bro geh jơnau yal la, brê tàm broa\ lơh he dê gơbàn aniai kơnjơ\ ngan, den ala\ [òn lơgar tàm càr ờ rgơi  kờp du\ jơh hòac hươr mùl màl nàng geh broa\ lơh di pal, mờ pơnjat tai ơm kơp. Ồng Nguyễn Ngọc Phú, Kuang atbồ Phòng Nông nghip mờ phát triển nông thôn kơnhòal Ea Súp, tiah geh 25 broa\ lơh sa suơn sre chi brê gam  geh lơh, ai git:

            Tu\ do kờ` git geh brê gam lah ờ den ala\ mpồl lơh sa ka\ bro pal  đơs wơl bơta gơbàn. Tu\ hơ\,  den hơ\ sồng git geh brê gơbàn roh tus tềng lơi. Nam 2014,  neh bơyai lơh kờp sền hơ\ sồng git khà brê la neh gơmù bloh. Mơ kung jat geh cih  la tàm 5 nam sen trơ gùm kờp dùl dơ\. Anih lơh broa\ dà lơgar la ờ trơ gùm kờp pah nam mờ trơ gùm kờp jat  tu\ tơngai du\.

            Bulah geh mat sơnđan la  jào brê, ai ơpah brê, mơya mùl màl, Dak Lak  neh ờ  ta\ dia tai pria\ ơpah ù tàm 50 nam mut lơh broa\ lơh, brê  gơ lơh bè ai gời. La đah lòt ơpah, mơya mpồl lơh sa ka\ bro sền cau tờm brê, khat gơboh ờ sền bơta  sồr bơh Sở Nông nghiệp mờ phát triển nông thôn Dak Lak bè broa\ yal wơl bơta brê,  ờ  sền lơh bal mờ gơnoar atbồ [òn lơgar tàm bơsong ala\ gơbàn tìs. Ngan la, ala\ mpồl lơh sa ka\ bro ờ pal kong kơnòl adat boh lam lơi, kung ờ pal tơm tu\ lời brê gơbàn kơl mus. Jat ồng Nguyễn Hoài Dương, kuang atbồ Sở Nông nghiệp mờ Phát triển nông thôn Dak Lak, ala\ bơta ờ di do la di pal tài ròt chính sách,  adat boh lam tu\ do bè sền gàr brê mờ bơtàu tơngguh brê gam geh ua\ bơta ờ hềt niam:

            Ờ hềt geh quy định lơi bơh dà lơgar cih loh, la mpồl lơh sa ka\ bro atbồ sền gàr ờ geh cồng nha den mpồl lơh sa ka\ bro hơ\ pal tơm wơl. Tài bol he git geh  bơta mùl màl tu\ do la gơbàn tàm gùt lơgar mờ tàm Tây Nguyên. Tài bơta do den bol a` geh đơs mờ dà lơgar bloh la pal lơh niam, bơsir ờ di la mìng jào khi in hơ\ sồng khat bè lời. Kal ke kòl yan bềng bè hơ\ den ờ geh cau lơi bơsong. Den tàng tu\ brê roh den  sồr khi tơm.

            Brê la bìang,  di lah git sền gàr den brê  kuơ ngan,  sơnđan hơ\ geh  top ua\ tiah ngan tàm càr Dak Lak, mơya mo tơn tềng geh top jơnau hơ\ la brê ờ gam tai. Tàm dơ\  tìp mờ UBND càr, ala\ mpồl lơh  sa ka\ bro dờp,  cồng nha sền gàr brê bơh broa\ lơh la sồ không, brê gơbàn aniai kơnjơ\ ngan jơh bè ba\ ù mờ khà niam. Mơya ờ geh bơta mờng lơi geh càr ai tơlik bơh broa\ lơh ờ kuơ do. Geh atbồ mpồl lơh sa ka\ bro neh lam sồr  cau hờ đơm he kơl mus git nđờ jơt lồ brê tàm broa\ lơh he dê mờ neh gơbàn  kuang àng ya\, mơya ala\ broa\ lơh tam pơnjat tai mut lơh. Ờ mìng bè hơ\ Dak Lak gam pơnjat tai sền 11  rơndap broa\ lơh,  nàng pơnjat tai jàu rlau 7 rbô lồ. Brê bìang  bơh càr pơnjat tai geh jào tàm tê ala\ cau tờm mìng rgơi lơh roh brê.

            Cau mblàng K’ Brọp