VOV4.K’ho-Jat kềng đah bàr gah gùng rơndeh dờng 14, gơl lòt gan ù tiah xã Cư Né, kơnhoàl Krông Buk, càr Dak Lak brê nho gi\t nđờ jơ\t sơnam sùm gơtìp bol iơh srăp kơ`au mờ pềs, ai yoas mra trah jơh dùl tăp kơmhò tềng gùt dar tờm lơh tờm nho gơtìp chơ\t rơhời nàng sơgràm ù. Bulah tờm nho gơtìp lơh aniai do mìng ơm ngai mờ UBND xã Cư Né mờ Hạt Kiểm lâm kơnhoàl Krông Buk ờ hềt tus 1 kơi sồ lơm, mơya bol blơ\ kung gam bơcrì bơcrà ngan lơh aniai.

            Gi\t nđờ rhiang tờm nho ơnàng bơh 25 tus 50 phơng jat kềng gah gùng rơndeh dờng 14, gùt dar tờm gơtìp trah plồ jơh kơmhò, geh tờm neh gơtìp chơ\t ồm, geh tờm pa gơjrùh nha.

Tàm [òn Rô 2, jat bơta sền bơh bol a` dê tàm pơgăp bă ù ơnàng 3 sàu neh geh rlau 100 tờm nho mờr 40 sơnam gơtìp bol iơh trah sồt jơh tờm. Tàm khà hơ\ geh pơgăp rlau 70 tờm nho neh gơtìp chơ\t, gam git nđờ jơ\t tờm ndai tềl sồt trah plồ kơmhò kung gam pa ngan sơl.

Dùl bă brê nho ơm rềp kềng tơn gah gùng rơndeh 14 gơtìp trah plồ kơmhò chơ\t 

Ồng Y Lem Mlô, atbồ [òn Rô 2, xã Cư Né, kơnhoàl Krông Buk  đơs: uă ngan dơ\ tìp mat mờ kuang bàng Quốc hội, kuang bàng HĐND ală kấp, cau te\ khà tàm do neh đơs sơl broă do, sồr geh gùng dà nàng sền gàr brê nho. Mơya broă lơh aniai brê nho kung ờ go\ gơmù sơl.

            Làng bol tàm [òn ờ suk ngan, tờm nho tàm kềng bàr đah gùng chơ\t. Jat bơta kơ\p kờ` bơh làng bol dê kờ` gàr wơl ù brê, nàng brê hòn gơs niam wơl ù tiah brê bơnơm geh is bơh [òn lơgar he dê ndrờm bè rài yau. Làng bol dan mờ kấp hơđang gàr wơl ù, gàr wơl brê.

Jat ồng Y Thân Mlô, Phó Kuang atbồ UBND xã Cư Né yal, broă lơh aniai brê nho jơnau kờ` tờm ngan là nàng sơgràm ù brê. Ờ mìng brê nho tàm [òn Rô 2 lơm mờ tàm ală tiah ndai bè [òn Mùi mờ tàm tềng đap hìu bơsram kấp bàr Phan Chu Trinh rềp mờ UBND xã kung gơtìp bol iơh lơh aniai sơl.

Tài bơh jơnau kờ` ngui ù bơh làng bol dê uă, den tàng gơlam tus jơnau bàr pe nă cau sơmờm, ờ rơngòt kơrnoat boh lam lơh aniai brê nho nàng sơgràm ù. Jat a` den nàng lơh niam atbồ niam ù brê do den pal lơh niam broă atbồ mờ lơh glài krà` ală cau lơh aniai brê.

Bơh brê nho rlau 3 rbô lồ bơh ală nam 1980, tus tu\ do mìng gam wơl ờ hềt tus 500 lồ. Bơta pal đơs ngan là ală tờm nho gam wơl gam ơm tềng đap jơnau digơlan gơtìp chơ\t roh jơh ờ gam tai.

Gơbàn jơnau do là tài bơh broă rơndăp ù tiah [òn làng bol ơm kis neh lơh khà priă tăc ù gơguh bal mờ bơta ờ go\ atbồ krà` bơh anih lơh broă geh gơnoar dê neh lơh uă bă brê nho gơtìp lơh aniai.

Jat làng bol đơs, ù kềng gah gùng Hồ Chí Minh, dùl thơk mat gùng rềp mờ gùng rơndeh dờng tăc bơh 120 tus 150 tơlak priă, ai ù sơgràm bơh brê nho den tăc dùl thơk bơh 70 tus 100 tơlak priă.

Pah nam, tờm nho gơtìp bol iơh trah plồ kơmhò tềng tờm lơh aniai

Ồng Nguyễn Văn Thuấn, Kuang atbồ Hạt Kiểm lâm kơnhoàl Krông Buk pà gi\t, nàng kơryan bơta geh ngan lơh aniai brê nho, sơgràm ù brê, den anih lơh broă do neh tus ku\p kơryan sồr koh kơl jơh ală bă ù tam tờm chi jo\ nam, ală hìu đam broă bơ\t bơtàu tìs mờ kơrnoat boh lam tàm bă ù brê. Mơkung tus tờ rlau 3 kơi sồ rbòng dà mờ lơh gi\t nđờ jơ\t nơm jrong nàng tam cah kờ` đal gi\t đah ù brê rềp nhàr bal mờ ù mìr bơh làng bol dê.

Jơnau trah, plồ kơmhò, òt tờm nho jat kềng gah gùng rơndeh dờng 14 gam gơlik geh sơl. Jơnau tờm là tài bơh bol a` ờ hềt lơh geh broă jàu ù jàu brê, dơ\ 2 là ală cau geh ù lơh broă sa rềp bal mờ ù brê nho sùm ndơ\p ndơr mu\t trah plồ kơmhò, òt tờm nho nàng tờm nho chơ\t bal mờ jơnau kờ` sơgràm ù brê.

Bè đah Hạt Kiểm lâm sùm sơlơ lòt sền nàng ku\p kơryan, tàm nam 2018 bol a` kung neh pơgồp bal mờ Kuang àng kơnhoàl, Viện Kiểm sát nhân dân kơnhoàl nàng bơsong jơnau yal yă bè cau lơh tìs gơ wèt mờ ală cau trah plồ kơmhò mờ òt tờm chi.

Gơsơ\t brê nho nàng sơgràm ù lơh ù sươn chi jo\ nam, lơh hìu. Bơta do cau lơi kung git lơm. Mờ ngan ngồn broă sơgràm ù do là tài bơh làng bol ơm rềp tềng hơ\ dê lơh.

Mơya, ală broă lơh geh sền là nàng sền gàr brê nho bè mblàng yal, hòi jà làng bol halà tờ rbòng dà, lơh jrong…mìng là ală broă lơh tềng đap mat lơm. Kờ` sền gàr brê nho- brê rơcang gàr bồ tô dà gùng rơndeh dờng 14, broă pal lơh loh là geh sơl bơta ai gơnoar, dùl nùs bal đah cau geh gơnoar broă mờ cau lơh aniai halà ờ?

Kuơmàng kờ` pal koh kơl jơh ală sươn tiêu, kơphê, mờ geh bal broă sờr ntrờ` hìu đam lơh ing, hìu lơh kơ\ kơl jăp tài bơh sơgràm ù brê nho lơh mòn tìs mờ kơrnoat boh lam. Geh bè hơ\, den hơ\ sồng sền gàr brê nho geh cồng nha.

Cau mblàng Lơ Mu K’Yến