VOV4.K’ho – Mờ bơta at tê bal lơh broă bơh gùt mpồl bơtiàn dê, nhai rlô bơkang do, uă kơnòm dềt kal ke tàm càr Daklak geh tus mờ ală anih nhơl `o\ dipal, geh bơto bơtê ală bơta chài sền gàr is să tờm, rơcang sơndră gơtìp rềs àr, sồt să, dong ală oh geh dùl nhai rlô bơkang ngan ngồn ờ do ờ dă mờ geh kuơ:

Pah tu\ tus nhai rlô bơkang, oh Lục Thị Thắm, ơm tàm [òn 6, xã Ea Hiu, kơnhoàl Cư Kuin, càr Daklak pal jat mè bèp lòt tàm mìr. Bu\ lah pa rơp 10 sơnam, mơya oh neh mờng quèng mờ broă bè klah cồng, ơn phơng, jì nhơt tàm suơn kơphe. Oh Lục Thị Thắm pà git, [òn oh dê ờ geh anih nàng nhơl `o\. Den tàng, tơnơ\ tu\ jơh nam bơsram, mut tàm nhai rlô bơkang, jo\ jo\ hơ\ sồng oh tus hìu bơsram nàng nhơl xích đu, bập bênh, cầu trượt mờ pơrjum bal mờ ală bi đoàn viên ơruh pơnu tàm xã:

“Tàm ală ngai rlô bơkang, oh sùm lòt lơh broă dong mè in, geh tu\ oh geh lòt nhơl tàm hìu bơsram mờ geh pơrjum bal nhai rlô bơkang mờ ală bi ơruh pơnu.”

Dilah bè kơnòm dềt tàm [òn dờng halà ală tiah rềp tiah tờm ndai, den nhai rlô bơkang là tu\ nàng bơsram ală ơdu\ bơsram bơta chài geh is halà ală ơdu\ pơlam tàp bơta chài tàm rài kis den tàm [òn lơgar, jơh ală mè bèp ală oh dê ndrờm lơh suơn sre, rài kis gam uă siơ\u siar, kal ke, ờ geh tu\ jiơ mờ priă jền nàng ai kòn tus bơsram ală ơdu\ do. Tàm tu\ hơ\, tàm tiah [òn lơgar càr Daklak dê, gam ờ geh ngan ală anih nhơl `o\ ai kơnòm dềt in, den tàng mè bèp sùm lam kòn lòt bal tàm mìr. Do là kung là broă nàng dong mè bèp gơtùi gròi sền kòn he dê, mơkung pleh gơbàn ală bơta ờ iam digơlan gơlik geh tu\ ală oh ơm is tàm hìu.

Tềng đap bơta geh ngan do, kờ` lơh geh tai uă anih `hơl `o\ kung bè lơh li la ală broă lơh kàl rlô bơkang kơnòm dềt in, gah lơh broă geh gơnoar, ală mpồl bal tàm càr Daklak neh geh rơndap broă lam lơh ờ uă broă lơh wèt tus hờ kơnòm dềt tiah kal ke. Tàm broă lơh nhai rlô bơkang nam do, Tỉnh đoàn Daklak geh uă kơnòl mờ broă lơh ai ală đoàn kơnă hơ đơm in bè: pờ ơdu\ bơsram sră nhai rlô bơkang, pơrjum đơs crih tamya, bơto re dà ờ sa priă… ai kơnòm dềt tàm [òn lơgar in. Bi Y Nhuân Byă, Bí thư Tỉnh đoàn Daklak pà git, bal mờ ală broă lơh hòi jà dong kờl jàu ală bơnah priă dong kờl bơsram, lơh hìu khăn quàng pơr hê den broă lơh anih nhơl `o\ kơnòm dềt in là broă mờ ală kấp bộ đoàn kờ` pal lơh ngan lơh geh:

“Dờp git kơ nòl kuơ màng tàm nhai rlô bơkang do là lài ngan, lam lơh ală broă lơh nhai rlô bơkang kơnòm dềt in, lơh anih nhơl `o\ kơnòm dềt in mờ pờ ală ơdu\ ờ sa priă bơto re dà kơnòm dềt in tàm kàl rlô bơkang do. Broă lơh anih nhơl `o\ kơnòm dềt in là broă pal lơh ngan tàm nam do. Tus tơngai nhai Ơruh pơnu den neh jàu 16 anih nhơl `o\. Mờ tàm broă lơh nhai rlô bơkang do, pơn jat tai lơh ngan lơh geh bơh 10 tus 15 anih nhơl `o\ tai, den digơlan lơh ngan lơh geh mờr 50 anih nhơl `o\ kơnòm dềt in. Do là bơta lơh ngan bơh mpồl cau lơh broă đoàn dê.”

Kung tàm nhai rlô bơkang nam do sơl, mờr 1 rbô nă kơnòm dềt geh rài kis kal ke gơwèt 8 kơnhoàl, thị xã, [òn dờng bơh càr Daklak dê, geh: Buôn Ma Thuột, Ea Kar, Buôn Hồ, Krông Buk, M’Drak, Krông Năng, Krông Bông, Ea Sup geh bơsram re dà ờ sa priă. Broă lơh do bơh Sở Giáo dục mờ Đào tạo bơyai lơh, geh lơh tàm 2 nhai, kờ` bơto ală oh in git bơta chài re dà mờ bơto jơnau git wă rơcang sơndră gơtìp rềs àr, sồt să, bu\ dà. Oh Trần Ngọc Giang Linh, 12 sơnam, ơm tàm xã Ea Tal, kơnhoàl Ea Kar chờ hờp đơs:

“Oh chờ hờp ngan tài bơh geh tus bal ơdu\ bơto re dà ờ sa priă nhai rlô bơkang nam do. Broă lơh do dong oh git re dà mờ ờ gơtìp bu\ dà, dong oh gơtùi sền gàr is să tờm mờ dong kờl gơp bơyô tàm dà; geh tai pràn kơldang să jan mờ ală bơta chài geh kuơ ngan tàm rài kis.”

Jat Sở lao động – Thương binh mờ Xã hội càr Daklak, càr tu\ do geh rlau 6 rbô 300 nă kơnòm dềt geh rài kis uă kal ke. Bơh bồ nam tus tu\ do, càr neh hòi jà tă pơgồp geh rlau 3 tơmàn nàng dong kờl; pơgồp bal bơyai lơh kham sac rơwah kòp plai nùs ai rlau 1 rbô 600 nă kơnòm dềt in; dong kờl reh plai nùs, kuet kơlte jơng tê, wèt mbùng pơh bơr ai 58 nă kơnòm dềt in… Bơh hơ\ neh pơgồp bơnah dong rlau 5 rbô 100 nă kơnòm dềt geh rài kis kal ke tàm càr.

Ồng Nguyễn Duy Tuyết, Kuang atbồ phòng sền gàr, sền gròi kơnòm dềt mờ ring bal cau klau cau ùr, gơwèt Sở lao động – Thương binh mờ Xã hội càr Daklak pà git, Sở kung lam lơh uă broă lơh tàm kơnă hơ đơm, bè: Broă lơh “Hìu ờ do ờ dă rơcang sơndră rềr àr, sồt să kơnòm dềt” mờ broă lơh bơt bơtàu xã, sơnah [òn dipal mờ kơnòm dềt. Jơnau kờ` là tus lồi nam do, gùt càr geh 150 tàm khà 184 xã, sơnah [òn geh dờp tơl khà gơwèt mờ kơnòm dềt. Bal mờ hơ\, ală mpồl gơnoar kơnòm dềt mờ mpồl sền gàr kơnòm dềt tàm ală kơnhoàl geh sùm lơh ală broă lơh niam mờ li la ngan. Kuơ màng, tàm nhai lơh broă tài kơnòm dềt nam do, Sở pơgồp bal mờ UBND kơnhoàl Krông Ana mờ Cư\ Mgar neh bơyai lơh dơ\ lam lơh tàm càr, pà git nđờ rbô bơnah phan ai kơnòm dềt geh rài kis kal ke in, mờ priă tă lơh 1 tơmàn priă:

“Pah nam den broă hòi jà ală bơta tă pơgồp bơh ală anih lơh broă, mpồl lơh broă, ală cau geh nùs nhơm niam dê pal geh cih dờp ngan, neh dong git nđờ rbô nă kơnòm dềt geh rài kis kal ke geh dong kờl bè sơnơm tơmba, bơto bơsram. Mờ ală cồng nha hơ\, neh tơrmù khà kơnòm dềt kal ke tàm càr uă ngan. Khà kơnòm dềt kal ke geh dong kờl mờ tơl broă lơh geh mờr 80%.”

Bơh bơta sền gròi, dong kờl bơh ală mpồl, gah lơh broă càr Daklak dê, uă kơnòm dềt tàm tiah kal ke neh geh tus rềp rlau mờ ală broă lơh nhơl `o\ di pal tàm nhai rlô bơkung,  mơkung bơto bơtê ală oh in git ală jơnau git wă kuơ màng nàng sền gàr să tờm mờ gơp bơyô, tơrmù [à ală broă ờ niam gơlik geh, dong ală oh ngan ngồn geh dùl nhai rlô bơkang chờ hờp mờ ờ do ờ dă.

                                                                          Cau mblàng K’Duẩn