VOV4.K’ho- Wèt tus tơngkah kir sơn rai 130 nam ngai deh Chủ tịch Hồ Chí Minh dê, tàm xã Cư Êwi, kơnhoàl Cư Kui` (Dak Lak), Mpồl tam klăc Ơruh pơnu Việt Nam càr Dak Lak mờ mpồl cau lơh sơnơm kơnòm să lơh jat jơnau Wa Hồ, dong kờl is tài pràn kơl dang să jan mpồl bơtìan” mờ uă broă lơh geh ngan.

                 Pơlam tàp broă lơh dong kờl mhar bơh sơn rờp mờ broă lơh rcang sơn dră bu\ dà

Tàm ngai chờ, neh lơh uă broă lơh bè: kham kòp, pơlam pràn kơl dang să jan, phàt sơnơm ờ sa priă ai làng bol in, pà phan ai ală hìu bơnhă mờ ơruh pơnu, công nhân geh rài kis kal ke gơtìp gơ rềng tài bơh kòp Covid-19; pà priă bơsram mờ rơndeh coh ai kơnòm bơsram in sơr lèt gan kal ke bơsram jak. Mblàng yal jơnau mờ phàt sră mblàng yal jơnau rcang sơn dră kòp Covid-19; pà dà rào tê ai làng bol, ơruh pơnu mờ công nhân in tus bal tàm Ngai chờ.

Pơlam tàp ală broă lơh kấp cứu bơh sơn rờp mờ broă lơh rcang sơn dră rềs àr bu\ dà ai cau pơgru mờ kơnòm bơsram in. Mpồl bơyai lơh kung neh tam tơr bo\ bal mờ ală cau geh nùs nhơm niam bơt bơtàu 1 hìu dong kờl kòn bơnus ai kơnòm bơsram geh rài kis kal ke in.

Cau mblàng K’ Hạnh