VOV4.K’ho- Tềng đap bơta gơlik geh kal ke bơh kòp Covid-19 tŭ ală cau bơtờp kòp tàm mpồl bơtiàn sùm gơguh, mho ngai 25/8, UBND càr Dăk Lăk ai ngui sră nggal sồ 8118 bè broă ngui Chỉ thị sồ 16 bơh Thủ tướng Chính phủ dê tàm ù tiah ƀòn dờng Buôn Ma Thuột mờ kơnhoàl Krông Buk bơh 6 jiơ mho mang ngai do 26 nhai 8 tus dì tŭ geh jơnau yal pa.

Anih gròi sền kòp tàm xã Cư Êbur, ƀòn dờng Buôn Ma Thuột

Jat hơ̆, UBND càr Dăk Lăk jàu Chủ tịch UBND ƀòn dờng Buôn Ma Thuột mờ kơnhoàl Krông Buk in rcang lài lơh nền lơh gơs ngan ngồn ală tơngume kờñ pal lơh kràñ nàng gàr niam broă lơh rcang sơndră kòp geh cồng nha ngan rlau jơh. Ring bal jàu UBND ƀòn dờng Buôn Ma Thuột in rcang lài ngui ală priă jền di mờ adat boh lam bơh kes priă càr dê lam lơh broă lơh xét nghiệm mhar  Sars CoV-2 tàm uă tiah ai làng bol tàm ù tiah ƀòn dờng in nàng sơr băc mhar tam cah is cau F0 in lik bơh mpồl bơtiàn. Tàm dơ̆ ai ơm yah ngài do, ƀòn dờng pơn jat tai lơh jat broă ai sră lòt drà ai làng bol in, mơkung geh lơh kràñ rlau tai broă lơh lòt sền, gròi sền nàng tơrmù uă ngan rlau jơh broă làng bol lik bơdìh.

Cau mblàng K’Hạnh