VOV4.K’ho- Ngai 26/8, Sở Giáo dục – Đào tạo càr Dăk Lăk ai ngui sră nggal sồ bè broă lơh jat Broă rơndap lơh nam bơsram 2021-2022 in. Jat hơ̆, gah Giáo dục – Đào tạo càr dê geh ờ bơyai lơh dơ̆ wă kơnòm bơsram tus hìu bơsram tàm ngai 01/9 tus do.

Kuang atbồ Sở Giáo dục- Đào tạo càr Dăk Lăk sồr, bơh ngai 01/9 tus do ngai sơnđờm mut nam bơsram pa, Kuang atbồ ală mpồl lơh broă rcang lài tơl ală bơta nàng bơyai lơh dơ̆ sơnđờm mut nam bơsram pa mờ bơto bơtê; yal nàng kơnòm bơsram mờ mè bèp kơnòm bơsram in gĭt bè broă rơndap lơh bơto bơtê bơh hìu bơsram dê, bơto pơlam kơnòm bơsram in broă bơsram pờ tơlik tơn tàm internet. Bè broă bơyai lơh sơnđờm mut nam bơsram pa 2021-2022 tàm ngai 05/9/2021, sră nggal đơs loh: bơyai lơh sơn đờm mut nam bơsram pa mờ broă lơh pờ tơlik tơn tàm internet gơwèt mờ ală mpồl lơh broă geh tơl bơta. Tơnơ̆ ngai sơnđờm mut nam bơsram pa, ală mpồl lơh broă bơyai lơh bơto bơtê mờ broă lơh pờ tơlik tơn tàm internst halà mờ broă lơh ndai di pal mờ bơta gơlik geh bơh kòp Covid-19 dê mờ bơta  geh bơta bơh mpồl lơh broă, ală tiah dê, mơya ờ bơyai lơh bơto bơtê pờ tơlik tơn tàm internet gơwèt mờ hìu bơsram mầm non.

Cau mblàng K’Hạnh