VOV4.K’ho - Jăt Thông tư sồ 06 nam 2015 bơh Bộ Nội vụ mờ Bộ Giáo dục – Đào tạo, den càr Dak Lak gam ờ tơl mờr 1 rơbô nă cau pơgru mờ kuang bàng atbồ hìu bơsram mầm non. Bơta kờ` đơs ngan là broă ờ tơl cau pơgru ờ mìng gơbàn tàm ờ uă hìu bơsram mờ gơbàn tàm ală hìu bơsram tàm gùt càr.

Nam bơsram 2018-2019, hìu bơsram Mẫu giáo Hoạ Mi, tàm [òn Ja, xã Bông Drang, kơnhoàl Lăk geh UBND kơnhoàl bơcri priă lơh 2 tơmàn priă kờ` lơh pa tai 4 jơdu\ bơsram, tơnguh jơdu\ bơsram tàm hìu bơsram tòm tus 9 ơdu\, gơmù 1 anih hìu bơsram ing. Bơta do neh ai bơta [uơn tu\ kơnòm dềt ờ pal bơsram bal tai. Phan bơna geh lơh tơl niam, mơya kal ke ngan gơwèt mờ hìu bơsram tu\ do là ờ tơl cau pơgru.

                           Càr Dak Lak bơsong kal ke broă ờ tơl cau pơgru bơto kơnòm bơsram mầm non

Pơgru Nguyễ Thị Thu Nga, kuang atbồ hìu bơsram pà g^t, nam bơsram do, hìu bơsram geh 376 nă kơnòm bơsram tàm 3 gah ơdu\ mầm, chồi, lá, gơguh 50 nă oh jăt mờ nam bơsram lài. Jăt Thông tư liên tịch sồ 06 nam 2015 bơh Bộ Giáo dục mờ Đào tạo bal mờ Bộ Nội vụ ai bè khà bal anih lơh broă mờ khà cau lơh broă tàm ală hìu bơsram mầm non dà lơgar lơh gam sơnđan là thông tư sồ 06 geh ai gơwèt mờ ơdu\ mẫu giáo bơsram 2 [ùi tàm 1 ngai geh ai uă ngan là 2, 2 nă cau pơgru tàm 1 ơdu\ den hìu bơsram ờ tơl tus 12 nă cau pơgru.

-Jăt kơrnoăt Thông tư sồ 06, hìu bơsram mìng rơ\p geh 14 nă cau pơgru bơto tàm 12 ơdu\, hơ\ là hìu bơsram gam ờ tơl tus 12 nă cau pơgru tai. Neh mu\t nam bơsram pa, mơya hìu bơsram gam ờ hềt geh gơnoar atbồ ai pơgru hợp đồng. Broă ờ tơl cau pơgru lơh gơbàn hìu bơsram tìp kal ke uă ngan.

Tàm hơ\ uă ngan là tu\ cau pơgru gơbàn kòp tê jê să ha là geh broă ni sơna den hìu bơsram ờ geh cau kờ` bơto ơla. Geh tu\ mpồl kuang bàng hìu bơsram pal ơla bơto. Dùl nă pơruh bơto jơh ngai mờ ờ geh tơngai rơlô.

Jăt phòng Giáo dực – Đào tạo kơnhoàl Lăk yal, di lah lơh jăt jơnau bơto sồr tàm thông tư sồ 06 den nam bơsram do, mìng is hìu bơsram mầm non tàm do ờ tơl di pơgăp 61 nă. Thông tư sồ 06 geh ai “Gơwèt mờ ơdu\ mẫu giáo bơsram 2 [ùi tàm 1 ngai: ai uă ngan 2, 2 nă cau pơgru tàm 1 ơdu\; Gơwèt mờ ơdu\ mẫu giáo bơsram 1 [ùi 1 ngai ai uă ngan 1, 2 nă cau pơgru tàm 1 ơdu\”.

Bơta kal ke là Bộ Nội vụ ai kơrnoăt bè hơ\, mơya ờ ai cơ chế rơwah tai cau pơgru. Tàm tu\ hơ\, khà cau pơgru jơh sơnam jăt mờ kơrnoăt mờ dan ntrờn uă ngan, lơh gơbàn ờ tơl cau pơgru uă ngan. Ồng Nguyễn Văn Thịnh, kuang atbồ Phòng Giáo dục- Đào tạo kơnhoàl Lăk pà g^t, kờ` tơmù bơta ờ tơl cau pơgru, phòng neh dan mờ UBND kơnhoàl ai hợp đồng geh tơngai kờ` drơng tàm boă bơto tàm nam bơsram pa.

-Mpồl cau pơgru mầm non biên chế jăt thông tư sồ 06, 1 ơdu\ bơsram pal geh 2,2 nă cau pơgru mơya tàm kơnhoàl Lăk den mìng rơ\p geh 1, 5 nă cau pơgru tàm 1 ơdu\. Geh bơta do là tài ờ geh biên chế.

Pa do, UBND kơnhoàl neh lơh broă mờ Sở Nội vụ, mơya geh hơ broă do gơwèt Bộ Nội vụ tam pà biên chế ai càr in. Den tàng tu\ do kờ` geh broă tơmù bơta do, kơnhoàl dan geh broă lơh krơi is kờ` gah bơto bơtê mờ bơsram mầm non geh broă bơsong, gàr niam cau pơgru bơto tàm ơdu\, drơng niam broă bơto bơtê.

Jăt khà geh ai tàm thông tư sồ 06 nam 2015 bơh Bộ Nội vụ mờ Bộ Giáo dục – Đào tạo ai, den ală kơnhoàl, thị xã mờ [òn dờng tàm càr Dak Lak ndrờm ờ tơl cau pơgru bơto mầm non, mờ kờp jơh khà mờr 900 nă cau pơgru uă ngan là kơnhoàl Ea Kar ờ tơl rơlao 200 nă cau pơgru. Ồng Phạm Đăng Khoa, kuang atbồ Sở Giáo dục mờ Đào tạo càr Dak Lak đơs là, bơta do neh gơbàn bơh ală nam bơsram lài, Sở kung neh uă dơ\ dan tus mờ ală cấp mơya tus tu\ do kung gam ờ hềt geh gùng dà kờ` bơsong.

-Bè đah gah lơh broă, bol a` kung neh lơh ngan pơlam, tài bơto bơtê geh bơta krơi is geh kơnòm bơsram, geh ơdu\ bơsram den pal geh cau pơgru mờ tu\ do jăt broă tơmù biên chế, bơh nam 2016 tus 2021 là pal tơmù 10%. Mơya broă bơto gơbàn kal ke là geh ală nam kơnòm bơsram gơguh uă, geh ală tiah kơnòm bơsram gơguh uă.

Gơwèt mờ càr Dak Lak là 1 tàm ală càr pah nam khà kờp làng bol gơguh tàm hơ\ geh 1 bơnah làng bol kis ntrờn bơdìh mờ rơndăp broă càr Dak Lak geh ai mờ bè hơ\, pal tơnguh biên chế cau pơgru kờ` di pal mờ broă kờ` bơsram bơh ală kơnòm bơsram tu\ do dê gam pal lơh jăt broă tơmù biên chế jăt khà hơ\ den loh làng gơbàn uă kal ke gơwèt mờ gah bơto bơtê mờ bơsram càr dê.

Jăt jơnau yal tơrgùm bal bơh Sở Nội vụ càr Dak Lak dê, ală kơnhoàl, [òn dờng tàm càr do tu\ do ờ tơl mờr 1 rơbô 400 nă cau pơgru, uă ngan là cau pơgru bơto mầm non. Ală hìu bơsram ndrờm kơ\p kờ` càr Dak Lak gờ` geh gùng dà rơwah cau pơgru di pal mờ broă kờ` mùl màl kờ` lơh jăt nia broă bơto.

Cau mblàng Ndong Brawl