VOV4.K’ho- Tềng đap broă gơlik geh kal ke bơh kòp bơtờp dê, Ủy ban Nhân dân càr Dak Lak neh tơlik sră nggal bè broă lam lơh ală broă lơh rơcang sơndră kòp tŭ tàm càr neh geh cau bơtờp kòp Covid-19. Jat hơ̆, càr Dak Lak sồr Chủ tịch Ủy ban Nhân dân kấp kơnhoàl, kấp xã rơcang lài pơgồp bal mờ ală mpồl lơh broă geh gơ rềng đơng lam, ngui ală broă lơh kơryan nàng rơcang sơndră kòp bơtờp tàm càr bơh 12 jơ mang ngai 10/5/2021 tus tŭ geh jơnau yal pa.

Mùl màl, ơm ală broă lơh pơrjum, broă tơrgùm rlau 30 nă cau tàm 1 cơldŭ, ờ huan ai tơrgùm gal cau tàm bơdìh anih lơh broă, hìu bơsram, hìu sơnơm; ơm jơh ală broă lơh tơrgùm rlau 30 nă cau tàm ală hìu jum, hìu yàng phờk, hìu duh khoai; lơh jat nền nòn broă pơn chèu glòm muh mat, lơh kloh khuẩn, lơh jat nền nòn jơnau sồr 5K bơh Bộ Y tế dê.

Cau mblàng K’Duẩn