VOV4.K’ho- Mờr 10 nam kờp bơh tu\ geh ngui gùng che ồs đèng Dà lơgar, rài kis làng bol thôn Thanh Sơn, xã Vụ Bổn, kơnhoàl Krông Pach, càr Dak Lak neh tam gơl pa uă ngan. Làng bol geh sền mờ iat rơdio ti vi uă rlau, ngui ală phan ngui đèng drơng broă lơh sa mờ tàm rài kis pah ngai, broă bơsram sră kơnòm dê kung buơn rlau sơl.

Tàm hìu dờng, niam pa lơh gùl nam do, ồng Hà Văn Đề (kòn cau Thái) ơm tàm thôn Thanh Sơn, xã Vụ Bổn, kơnhòal Krông Pach, càr Dak Lak, chờ hờp pà g^t, tàm hìu bơnhă tu\ do neh tơl đau ală phan điện tử, bơh tivi, phan puh mờ đèng, tùh mrềt, glah tru\ piang đèng… Pơndrờm mờ 10 nam lài, tu\ ờ hềt geh đèng den rài kis hìu bơnhă neh geh bơtàu tơnguh uă ngan, ờ mìng geh tơl ală phan ngui tàm rài kis pah ngai mờ gam blơi geh phan ngui tàm broă lơh sa mờ ồs đèng.

 Lài òr, ờ hềt geh ồs đèng den làng bol tàm do kal ke uă ngan, lơh phan lơi kung kơnờm tàm trồ tiah lơm. Bơh ngai geh ồs đèng tus tu\ do, den a` go\ kung bơtàu tơnguh uă rlau, lài do dà kung kơ\p kơnờm tàm trồ tiah lơm. Mơya, hời rơ hời tus tơnơ\ do, dà soat den kàl prang làng bol tàm do ờ tơl dà ngui uă ngan. Bơh ngai geh ồs đèng den làng bol sơn đờm tờ dà tơrlung, crăp ma\y [ồm mờ geh dà ngui sùm. Tu\ geh đèng den hìu bơnhă a` kung khuàng dà tơrlung, blơi ma\y [ồm ngui nàng [ồm dà phan tam in, tuh dà tàm lo\ sre, kơphê in, ală bơta phan mờ dà ngui sa tàm hìu bơnhă.

Bi Hà Văn Tuân, làng bol kis tàm thôn Thanh Sơn đơs, tàm tơngai bi gam dềt, broă bơsram sră kal ke uă, bi pal sền sră tàm tu\ trồ gam àng halà sền sră tàm ồs đèng zờu. Hìu lơi geh priă jền đau den geh bình ắc quy sạc nàng sòl àng. Ală nam rềp ndo, kơnờm geh đèng, kơnòm dềt sền sră buơn ngan. Kơnờm geh ồs đèng, uă hìu bơnhă blơi ma\y tính, crăp mạng internet nàng g^t tai jơnau yal tơng^t.

Lài hơ\, làng bol pal kơlôi rcang dà mờ kung pal kơlôi rcang ồs đèng tai, mang jơngo ală oh kòn kung pal bơsram sră mờ đèng zờu, ai tu\ do den geh ồs đèng bloh, den tơl hìu bơnhă ndrờm geh dùl nơm dà tơrlùng khuàng nàng [ồm dà tuh tờm chi tam jo\ tơngai in, ală broă lơh buơn rlau den lơh sa bơtàu tơnguh mhar. Ai ală oh kòn bơsram sră den tu\ rê tàm hìu kung geh ồs đèng ală bơta den go\ ală oh g^t wă mhar rlau mờ đơs bal là bơh tu\ geh ồs đèng den rài kis tàm thôn kơ\ kơl jap rlau uă ngan.

Thanh Sơn là thôn tiah sar lơgar ngài bơh xã Vụ Bổn, kơnhòal Krông Pach, rềp nhàr mờ xã Ea Ô, kơnhoàl Ea Kar, ngài bơh trung tâm xã 10 kơi sồ. Thôn geh crơng gơs bơh nam 1996, tu\ do geh mờr 200 hìu bơnhă mờ pơgap 700 nă cau, uă ngan là làng bol kòn cau Thái ơm kis.

Ồng Lương Văn Ớ, Kuang atbồ thôn Thanh Sơn pà g^t, lài do,  rài kis làng bol kal ke ngan, ù tiah ro kơnra` mờ klàr, dà ngui sa tàm rài kis pah ngai tàm hìu bơnhă mờ dà ngui tàm broă lơh sa suơn sre ờ tơl uă ngan, ngan là tàm kàl prang. Bơh tu\ geh gùng che đèng geh lơh tus tàm thôn, rài kis geh uă bơta tam gơl pa. Uă hìu bơnhă blơi uă  phan ngui mờ đèng drơng tàm rài kis pah ngai mờ lơh sa den tàng rài kis lơh sa ngai sơlơ geh tam gơl pa.

Bơh nam 2009 den rài kis làng bol dê tềng đap mat neh geh tam gơl uă ngan, pơn yơu bè khuàng geh dà tơrlung, nàng geh dà tuh ală tờm chi tam in. Đơs bal là kơnờm geh ồs đèng den rài kis lơh sa làng bol dê neh geh bơtàu tơnguh uă rlau pơndrờm mờ ală nam lài, broă hìu bơnhă r[ah tu\ do kờp jơh bal tàm thôn mìng gam 35 hìu bơnhă lơm.

Tơnơ\ 10 nam geh ồs đèng, rài kis làng bol tàm thôn Thanh Sơn neh tam gơl uă ngan. Ờ mìng cèng tus bơta àng ai [òn lơgar in, ồs đèng gam cèng tus bal bơta niam chài rơgơi, bơta g^t wă, dong làng bol iat kơno geh ală jơnau yal tơng^t bè broă lơh sa- mpồl bơtìan mờ bơta jak chài pa nàng ngui tàm broă lơh sa, hời rơhời bơtàu tơnguh bơta niam tàm rài kis.

Cau mblàng K’ Hạnh