VOV4.K’ho- Nàng kờñ dong kờl tai ală phan bơna gah lơh sơnơm rcang sơndră kòp Covid-19, ala mat Công ty Ồs đèng Dak Lak pa jàu pà 100 bộ phan soh rcang sơndră kòp ờs ngui mờ 100 nơm chèu sơnơm (khà P-95 ờs ngui) ai hìu sơnơm dờng ƀòn dờng Buôn Ma Thuột, càr Dak Lak in. Kờp jơh khà priă bơh bơnah phan pà ai hìu sơnơm in dơ̆ do là 20 tơlak đong.

Dak Lak: pà 100 bộ phan soh rcang sơndră kòp mờ chèu glòm muh mat sơnơm ờs ngui ai Hìu sơnơm dờng ƀòn dờng Buôn Ma Thuột in  

Dờp phan pà dong kờl do, ala mat Hìu sơnơm dờng ƀòn dờng Buôn Ma Thuột đơs, kòp dờng Covid-19 gam gơlik geh kal ke, ƀòn dờng Buôn Ma Thuột đơs is mờ càr Dak Lak đơs bal neh mờ gam sền gŏ tai uă cau kòp mờ broă dờp tai phan ngui kung bè phan bơna gah lơh sơnơm geh bơta kuơ dờng màng ngan ai mpồl y, bác sỹ in iang nùs rlau tai tàm broă lơh rcang sơndră kòp.

Cau mblàng K’Hạnh